Mga Bilang 6:5 - Marahay na Bareta Biblia

⁵ Sa bilog na panahon kan saiyang pagigin Nazireo, dai niya puputolan an saiyang buhok, ni aahiton an saiyang barabas. Nabubugkos siya kan panuga sa bilog na panahon na nagdusay siya kan saiyang buhay sa Kagurangnan asin papahalabaon niya an saiyang buhok saka barabas.

Mga Bilang 6:5 ပူးပေါင်းရင်းမြစ်များ

Ezekiel 44:20

“An mga padi kaipuhan dai mag-aris kan saindang buhok sa payo, ni magpahalaba kaiyan; puputolon ninda iyan sa tamang laba.

Mga Bilang 6:4

Sa bilog na panahon nin saiyang pagigin Nazireo, dai siya makakan nin anoman na gikan sa poon nin ubas, maski kan ubak o pisog kaini.

Mga Gibo 18:18

Haloy pang nag-erok si Pablo sa Corinto; dangan nagpaaram siya sa mga tugang asin nagsakay pasiring sa Siria kaiba si Priscila saka si Aquila. Duman sa Cencrea, nagpaaris siya kan saiyang payo sa pag-otob nin sarong panuga na ginibo niya.

Hukom 13:5

huli ta magbabados ka asin mangangaki nin lalaki. Dai mo pagputolon an saiyang buhok huli ta poon sa pagkamundag niya, lalaenon na siya para sa Dios bilang sarong Nazireo. Siya an mapoon sa pagligtas kan Israel sa kamot kan mga Filisteo.”

Hukom 16:17

kaya isinabi niya an katotoohan. “Dai pa nadutaan nin labaha an sakong buhok, huli ta nasa tulak pa sana ako kan sakong ina, idinusay na ako sa Dios bilang sarong Nazireo. Kaya kun maputol an sakong buhok, mawawara an sakong kosog asin magigin maluya ako siring sa ibang tawo.”

Hukom 16:19

Pinakatorog ni Delila si Samson sa saiyang mga paa dangan inapod an sarong lalaki na nagputol kan pitong sinalapid na buhok ni Samson. Pakatapos, pinonan niya an pagpasakit ki Samson huli ta nawara na an dati kaining kosog.

1 Samuel 1:11

Nagsumpa si Hanna, “O Kagurangnan nin mga hukbo, hilinga an pagtios ko an saimong sorogoon, asin giromdoma ako! Hare ako paglingawe! Kun tawan mo ako nin aking lalaki, nanunuga ako na lalaenon ko siya para saimo sa bilog niyang pagkabuhay asin dai nanggad puputolon an saiyang buhok.”