Mga Bilang 6:3 - Marahay na Bareta Biblia

³ dai siya mag-iinom nin arak o nin ano man na maisog na inomon. Dai siya mainom nin arak hale sa duga kan mga ubas asin dai siya makakan nin ubas o pasas.

Mga Bilang 6:3 ပူးပေါင်းရင်းမြစ်များ

Levitico 10:9

“Dai ka nanggad maglaog sa Tabernakulo ni an saimong mga aki, kun kamo nakainom nin arak o maisog na inomon; sa oras na gibohon nindo iyan, magagadan kamo. Saro ining pagsusundon na ootobon nindo sa gabos na henerasyon.

Amos 2:11

Pinili ko an nagkapira sa saindong mga aking lalaki tanganing magin mga propeta, asin an nagkapira sa hoben na lalaki tanganing magin Nazireo. Bakong totoo ini, banwaan nin Israel? Ako, an Kagurangnan, an nagtaram.

Amos 2:12

Alagad pinainom nindo nin arak an mga Nazireo, asin pinagbotan nindong dai magtaram kan sakong mensahe an mga propeta.

Mga Bilang 6:4

Sa bilog na panahon nin saiyang pagigin Nazireo, dai siya makakan nin anoman na gikan sa poon nin ubas, maski kan ubak o pisog kaini.

Lukas 1:15

huli ta siya magigin dakulang tawo sa atubang nin Kagurangnan. Dai siya mainom nin arak o anoman na maisog na inomon. Mapapano siya kan Espiritu Santo maski nasa tulak pa sana siya kan saiyang ina.

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.

1 Tesalonica 5:22

Likayan nindo an gabos na maraot.

1 Timoteo 5:23

Bakong tubig sana an inomon mo, kundi uminom ka man nin dikit na arak, para sa ikakarahay kan saimong tulak asin kan dayaday mong mga helang.

Hebreyo 9:10

An gibo nindang iyan manonongod sana sa kakanon, inomon, saka manlaen-laen na rito nin paglinig, na gabos sana para sa hawak asin mahalaga sana sagkod na dai pa ibinubugtak nin Dios an sarong bagong sistema.

Hukom 13:14

Dai siya dapat magkakan kan ano man na hale sa balagon nin ubas. Dai siya dapat mag-inom nin arak o maisog na inomon, ni magkakan kan arin man sa mga ipinapangalad na pagkakan. Kaipuhan otobon niya an gabos na sinabi ko.”

Hukom 13:4

Dai ka nanggad mag-inom nin arak o maisog na inomon, ni magkakan kan mga ipinapangalad na pagkakan,