Mga Bilang 6:20 - Marahay na Bareta Biblia

²⁰ Pakatapos, an mga ini idodolot kan padi sa Kagurangnan bilang espesyal na regalo; an mga ini iyo an banal na kahirasan kan padi, kaiba an daghan saka bitis kan karnero. Kun magibo na ini, pwede nang uminom nin arak an Nazireo.

Mga Bilang 6:20 ပူးပေါင်းရင်းမြစ်များ

Parahulit 9:7

Ipadagos mo an saimong pagkakan asin mag-ogma ka; inoma an saimong arak asin maggayagaya ka. Oyon kaiyan an Dios.

Isaias 25:6

Digdi sa Bukid nin Sion, maandam nin bangkete an Kagurangnan nin mga hukbo para sa gabos na nasyon kan kinaban—sarong bangkete nin masiram na mga pagkakan asin managom na mga arak.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Levitico 10:15

Dadarahon ninda an toong hurihan na bitis kan hayop asin an daghan sa panahon na idinodolot an taba bilang dolot na pagkakan sa Kagurangnan. An mga kabtang na ini kan hayop iyo an kahirasan nindo saka kan saindong mga aki sagkod sa maabot na panahon, siring sa pagboot nin Kagurangnan.”

Levitico 23:11

Iiitaas iyan sa Kagurangnan bilang sarong espesyal na dolot tanganing akoon kamo. Idodolot iyan kan padi pagkaaga pakatapos kan aldaw nin Sabbath.

Levitico 7:30

Siya mismo an madolot kaiyan bilang dolot na pagkakan. Dadarahon niya an taba kan hayop kaiba an daghan kaiyan dangan iitaas niya an mga iyan sa Kagurangnan bilang espesyal na regalo.

Levitico 7:31

An taba tututongon kan padi duman sa altar, alagad an daghan magigin pagsadiri kan mga padi.

Levitico 7:32

An nasa hurihan na toong bitis kan hayop itatao niya bilang espesyal na regalo

Levitico 7:34

An daghan kan hayop sarong espesyal na regalo, asin an nasa hurihan na toong bitis sarong espesyal na kahirasan na kinua nin Kagurangnan hale sa mga Israelita asin itinao sa mga padi. Iyo iyan an kaipuhan na itao kan mga Israelita sa mga padi sagkod pa man.

Levitico 9:21

Alagad an mga daghan kan mga hayop sagkod an toong hurihan na mga bitis, initaas niya sa Kagurangnan bilang espesyal na regalo para sa mga padi, siring sa ipinagboot ni Moises.

Zacarias 10:7

Magigin makosog arog sa mga soldados an banwaan nin Israel, maogma, siring sa mga lalaking nakainom pa sana nin arak. An kapangganahan na ini magigiromdoman kan saindang mga kapagarakian asin maoogma sinda huli kan ginibo nin Kagurangnan.

Zacarias 9:15

Iingatan kan Kagurangnan nin mga hukbo an saiyang banwaan, asin roronoton ninda an saindang mga kaiwal. Magkukurahaw sinda sa ralaban arog sa burat na mga lalaki asin papabuloson ninda an dugo kan saindang mga kaiwal; mabulos iyan siring sa dugo nin sarong sakripisyo na inula sa altar hale sa sarong mangko.

Zacarias 9:17

Orog na magigin marahay saka magayon an daga! Huli sa trigo saka arak, orog na magigin makosog an mga hoben na lalaki asin babae.

Mga Bilang 18:18

An karne kan mga hayop mapapasaimo, siring man an daghan saka an nasa hurihan na toong bitis kan espesyal na dolot.

Mga Bilang 5:25

kukuahon kan padi sa babae an dolot na arina, iiitaas sa Kagurangnan, asin dadarahon sa altar.

Mga Bilang 6:21

Iyo ini an pagsusundon manongod sa mga Nazireo; alagad kun an sarong Nazireo nanunuga nin sobra sa hinahagad kan saiyang panuga, kaipuhan gibohon niya iyan.

Mateo 26:29

Sinasabihan ko kamo na dai na ako mainom kaining arak nin ubas sagkod sa aldaw na inomon ko an bagong arak kaiba nindo sa Kahadean nin sakong Ama.”

Markos 14:25

Sa katotoohan sinasabihan ko kamo, dai na ako mainom kaining arak nin ubas sagkod sa aldaw na inomon ko an bagong arak sa Kahadean nin Dios.”

Juan 19:30

Pakasupsop ni Jesus kan suka, nagsabi siya, “Tapos na!” Dangan idinuko niya an saiyang payo asin nautsan siya.