Mga Bilang 6:15 - Marahay na Bareta Biblia

¹⁵ Laen pa kaiyan, madolot siya nin sarong basket nin tinapay na mayo nin lebadura: mahihibog na tinapay na gibo sa arinang sinalakan nin lana nin oliba, asin maninipis na biskwit na linahidan nin lana nin oliba, kaiba an dolot na pagkakan asin dolot na inomon.

Mga Bilang 6:15 ပူးပေါင်းရင်းမြစ်များ

Exodo 29:2

Gamiton mo an pinakamarahay na arinang trigo, alagad mayo nin lebadura, asin gumibo ka nin mga tinapay na igwang lana, nin mga tinapay na mayong lana, asin nin maninipis na biskwit na linahidan nin lana.

Isaias 62:9

Alagad kamong nagtanom saka nag-ani iyo an magkakakan kan tinapay asin mag-oomaw sa Kagurangnan. Kamong nag-ataman dangan nagtipon kan mga ubas iyo an mag-iinom kan arak sa mga patyo kan sakong Templo.”

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Joel 1:9

Mayo na nin trigo o arak na idodolot sa Templo; nagmomondo an mga padi huli ta mayo sindang mga dolot para sa Kagurangnan.

Joel 2:14

Tibaad magliwat nin isip an Kagurangnan na saindong Dios asin bendisyonan kamo nin dakulang ani. Dangan madodolotan nindo siya nin trigo saka arak.

Levitico 2:4

Kun tinapay na linuto sa horno an idodolot, kaipuhan linuto iyan na mayo nin lebadura. Pwedeng mahibog iyan o manipis, sinalakan nin lana nin oliba o linahidan sana.

Levitico 7:12

Kun idolot iyan nin sarong tawo bilang pasalamat sa Dios, kaiba an hayop na iaatang, madolot siya nin tinapay na mayo nin lebadura: mahibog na tinapay hale sa arina na sinalakan nin lana nin oliba o manipis na biskwit na linahidan nin lana nin oliba o manipis na biskwit na gibo sa arina na sinalakan nin lana nin oliba.

Levitico 8:2

“Ipag-iba mo si Aaron saka an saiyang mga aking lalaki duman sa may pintoan kan Tabernakulo, asin darahon mo man an mga gubing na sa padi, an panlahid na lana, an torilyong baka para sa dolot sa kasalan, an duwang lalaking karnero, sagkod an basket nin tinapay na mayo nin lebadura.

Levitico 9:4

Magdara man sinda nin sarong torong baka asin saro pang karnero bilang dolot para sa katoninongan. Tututongon nindo iyan para sa Kagurangnan kaiba an dolot na pagkakan na sinalakan nin lana. Kaipuhan gibohon nindo iyan huli ta mapahiling saindo an Kagurangnan ngunyan na aldaw.”

Mga Bilang 15:10

kaiba an duwang litrong arak. An parong kan sakripisyong ini nakakawili sa Kagurangnan.

Mga Bilang 6:16

Ini gabos dadarahon kan padi sa atubangan nin Kagurangnan asin idodolot niya an dolot para sa kasalan saka an tinutong na atang.

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

1 Corinto 11:26

Huli ta sa lambang pagkakan nindo kan tinapay na ini dangan pag-inom sa kalis na ini, ipinapahayag nindo an pagkagadan kan Kagurangnan sagkod na siya magbalik.