Mga Bilang 6:14 - Marahay na Bareta Biblia

¹⁴ asin madolot siya sa Kagurangnan nin tolong hayop na mayo nin kaninan—sarong lalaking kordero na sarong taon pa sana bilang tinutong na atang, sarong babaeng kordero na sarong taon pa sana bilang dolot para sa kasalan, asin sarong lalaking karnero bilang dolot para sa katoninongan.

Mga Bilang 6:14 ပူးပေါင်းရင်းမြစ်များ

1 Mga Cronica 15:26

Nag-atang sinda nin pitong torong baka asin pitong karnero tanganing tabangan nin Dios an mga Levita sa pagdara kan Kaban nin Tipan.

Salmo 66:15

Madolot ako saimo nin karnerong tututongon sa altar; masakripisyo ako nin mga torilyong baka saka kanding, asin an aso kaini maitaas sa kalangitan.

Levitico 14:10

Sa ikawalong aldaw, madara siya nin duwang lalaki saka sarong babaeng kordero na manangtaon pa sana asin mayo nin kaninan; tolong kilong arina na sinalakan nin lana nin oliba asin ikatolong parte kan sarong litro nin lana nin oliba.

Levitico 3:6

Kun karnero o kanding, lalaki man o babae, an idodolot bilang atang para sa katoninongan, kaipuhan mayo iyan nin kaninan.

Levitico 4:27

Kun sarong ordinaryong tawo an dai tinutuyong magkasala huli sa paglapas kan arin man sa mga pagboot nin Kagurangnan,

Levitico 4:32

Kun sarong karnero an dadarahon nin sarong tawo bilang dolot para sa saiyang kasalan, kaipuhan sarong babaeng karnero na mayo nin kaninan an saiyang darahon.

Mga Bilang 15:27

Kun an sarong tawo dai tuyong magkasala, madolot siya nin sarong babaeng kanding na sangtaon an edad bilang dolot para sa kasalan.

1 Pedro 1:19

kundi an mahal na dugo ni Cristo, na siring kan sa kordero na daing kaninan o digta.