Mga Bilang 5:9 - Marahay na Bareta Biblia

⁹ An lambang banal na dolot na dinadara kan mga Israelita sa padi magigin sadiri kan padi.

Mga Bilang 5:9 ပူးပေါင်းရင်းမြစ်များ

Exodo 29:28

Sagkod pa man ini an sakong pagboot na kun madolot an mga tawo kan dolot para sa katoninongan, an daghan saka an hita kan hayop lalaenon para sa mga padi. Ini an dolot sako kan mga tawo.

Levitico 10:13

Kakakanon nindo iyan sa sarong banal na lugar, huli ta iyo iyan an kahirasan nindo asin kan saindong mga aki hale sa idinolot sa Kagurangnan. Iyo iyan an ipinagboot sako nin Kagurangnan.

Levitico 10:14

Alagad an daghan saka an bitis na itinaas sa Kagurangnan bilang espesyal na regalo asin kahirasan para sa mga padi pwede nindong kakanon asin kan saindong mga pamilya maski saen na malinig na lugar. An mga dolot na iyan itinao saindo asin sa mga aki nindo bilang kahirasan, hale sa mga dolot para sa katoninongan kan mga Israelita.

Levitico 10:15

Dadarahon ninda an toong hurihan na bitis kan hayop asin an daghan sa panahon na idinodolot an taba bilang dolot na pagkakan sa Kagurangnan. An mga kabtang na ini kan hayop iyo an kahirasan nindo saka kan saindong mga aki sagkod sa maabot na panahon, siring sa pagboot nin Kagurangnan.”

Levitico 6:26

An padi na madolot kan hayop iyo an makakan kaiyan duman sa banal na lugar, sa patyo kan Tabernakulo.

Levitico 7:32

An nasa hurihan na toong bitis kan hayop itatao niya bilang espesyal na regalo

Levitico 7:34

An daghan kan hayop sarong espesyal na regalo, asin an nasa hurihan na toong bitis sarong espesyal na kahirasan na kinua nin Kagurangnan hale sa mga Israelita asin itinao sa mga padi. Iyo iyan an kaipuhan na itao kan mga Israelita sa mga padi sagkod pa man.

Mga Bilang 18:19

“Itinatao ko saimo, sa saimong mga aking lalaki, asin sa saimong mga aking babae sa gabos na panahon an gabos na espesyal na regalo na idodolot sako kan mga Israelita. Ini sarong daing kataposan na pakikipagtipan ko saimo saka sa saimong kapagarakian.”

Mga Bilang 31:41

Kaya itinao ni Moises ki Eleazar an buhis bilang sarong espesyal na regalo sa Kagurangnan, siring sa ipinagboot niya ki Moises.

Mga Bilang 5:8

Alagad kun nagadan an pinagkasalaan asin mayo siya nin kadugo na pwedeng tawan kan kabayadan, itatao iyan sa Kagurangnan para sa mga padi, kaiba an lalaking karnero na idodolot kan nagkasala bilang pantubos sa saiyang kasalan.

Deuteronomio 12:26

Darahon nindo sa lugar na pagsasambahan an saindong mga dolot asin an saindong mga panugang regalo sa Kagurangnan.