Mga Bilang 5:27 - Marahay na Bareta Biblia

²⁷ Kun nagpasambay siya, makakamate siya nin grabeng kulog huli kan tubig; makunkon an saiyang kinabuhay asin mabutog an saiyang tulak. An babae magigin sarong maldisyon sa saiyang banwaan.

Mga Bilang 5:27 ပူးပေါင်းရင်းမြစ်များ

Salmo 109:18

An pagmaldisyon niya garo sanang bado na isinusulot; makataros logod iyan sa hawak niya siring kan tubig, asin sa saiyang mga tulang siring kan lana!

Parahulit 7:26

Nakua ko na orog na mapait ki sa kagadanan an babae, na an saiyang pagkamoot arog sa sarong siod asin sa sarong hikot; dangan an saiyang mga kamot na pangkugos arog sa mga kadena. An lalaki na nakakapawili sa Dios makakadulag saiya; alagad an parakasala madadakop niya.

Isaias 65:15

An saindong ngaran gagamiton kan sakong piniling banwaan bilang maldisyon. Ako, an Kagurangnan Dios, an magadan saindo. Alagad tatawan ko nin bagong ngaran an mga nagkukuyog sako.

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 29:22

Kun boot kan mga itinapok sa Babilonia hale sa Jerusalem na maldisyonon an sarong tawo, masabi sinda, ‘Iarog ka logod nin Kagurangnan ki Zedekias saka ki Ahab, na buhay na isinugba sa kalayo kan hade nin Babilonia!’

Jeremias 42:18

“Nagtataram an Kagurangnan, an Dios nin Israel, ‘Kun paano ko inula an sakong labi-labing kaanggotan sa mga taga Jerusalem, siring man iuula ko an sakong kaanggotan sa saindo kun magduman kamo sa Egipto. Kamo magigin sarong nakakatakot na tanawon; susubahan kamo kan mga tawo asin gagamiton ninda an saindong ngaran bilang sarong maldisyon. Dai na nanggad nindo mahihiling an lugar na ini.’”

Jeremias 44:12

Tutunawon ko an gabos na natada sa Juda na nagpirit nanggad na magduman saka mag-erok sa Egipto. Sinda gabos, dakula man o sadit, magagadan sa Egipto; magagadan sinda sa gera o sa gutom. Magigin sarong tanawon sinda na nakakatakot; pagsusubahan sinda kan mga tawo saka gagamiton an saindang ngaran bilang sarong maldisyon.

Zacarias 8:13

Mga taga Juda asin mga taga Israel, kaidto, kun igwa nin boot na maldisyonon an mga dayuhan minasabi sindang, ‘Umabot man logod saimo an parehong maldisyon na uminabot sa Juda asin sa Israel!’ Alagad ililigtas ko kamo, dangan masabi an mga dayuhan na idto, ‘Akoon mo logod an parehong bendisyon na uminabot sa Juda asin sa Israel!’ Kaya magmaisog kamo asin dai kamo matakot.”

Mga Bilang 5:20

Alagad kun nagpasambay ka,

Mga Bilang 5:28

Alagad kun dai siya nin kasalan, dai siya maaano kan maldisyon asin mangangaki pa nin dakul.

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!

2 Corinto 2:16

Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

Deuteronomio 28:37

Sa mga daga na pagdadarahan saindo nin Kagurangnan, pagngangalasan kamo, pag-oolay-olayan asin pagngingisihan.

2 Pedro 2:10

Papadusahan nin Dios orog na idtong mga nagsusunod kan saindang maating mga kamawotan nin laman, asin nagsisikwal kan kapangyarihan nin Dios. An mga bakong tunay na paratukdong ini mapangahas, hambogon asin mayong paggalang sa mga halangkaw na kapangyarihan sa kalangitan.