Mga Bilang 5:18 - Marahay na Bareta Biblia

¹⁸ Papalugayon niya an buhok kan babae asin ibubugtak niya an dolot na arina sa mga kamot kaini, dangan kakapotan kan padi an mangko nin mapait na tubig na nagdadara nin maldisyon.

Mga Bilang 5:18 ပူးပေါင်းရင်းမြစ်များ

Mga Talinhaga 5:4

alagad sa kataposan, mapait siya arog sa apdo, matarom arog sa espadang duwa an tarom.

Parahulit 7:26

Nakua ko na orog na mapait ki sa kagadanan an babae, na an saiyang pagkamoot arog sa sarong siod asin sa sarong hikot; dangan an saiyang mga kamot na pangkugos arog sa mga kadena. An lalaki na nakakapawili sa Dios makakadulag saiya; alagad an parakasala madadakop niya.

Isaias 38:17

An sakong kapaitan magigin katoninongan. Ililigtas mo an sakong buhay sa gabos na kapahamakan; pinapatawad mo an gabos kong kasalan.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Levitico 13:45

An sarong tawong igwa nin nakakatakot na helang sa kublit kaipuhan magsulot nin girising gubing, dai magsukray, magtahob kan saiyang lalawogon asin magkurahaw nin “Maati, maati!”

Mga Bilang 5:15

sa arin man na kaso, dadarahon kan lalaki an saiyang agom sa padi. Dadarahon man niya an dolot para sa saiyang agom—sarong kilo nin arinang sebada. Dai niya iyan uulaan nin lana, ni bubugtakan nin insenso, huli ta iyan dolot nin pag-imon, sarong dolot tanganing aramon an katotoohan.

Mga Bilang 5:17

Pakatapos, lalaogan niya nin banal na tubig an sarong dalipay na mangko, makua siya nin alpog sa salog kan Tabernakulo asin isasalak sa tubig.

Mga Bilang 5:19

An babae papasumpaon kan padi. Masabi an padi, “Kun dai ka nagpasambay, dai ka maano kan maldisyon na dara kan tubig na ini.

Mga Bilang 5:22

Lumaog logod sa saimong tulak an tubig na ini tanganing pabutogon iyan asin pakunkunon an saimong kinabuhay.” Masimbag an babae: “Minauyon ako; gibohon logod iyan nin Kagurangnan.”

1 Corinto 11:15

Alagad sarong onra para sa babae an magpahalaba nin buhok. Tinawan an babae nin halabang buhok tanganing magin sarong pantahob.

1 Corinto 11:6

Kun habo siyang magsuklob, marahay pa logod na putolon niya an saiyang buhok. Alagad kun masopog para sa sarong babae an magpaaris kan payo o magpaputol nin buhok, kaipuhan na magsuklob siya.

Deuteronomio 29:18

Maglikay kamo ta tibaad igwa saindo digdi ngunyan nin lalaki o babae, pamilya o tribu na matalikod sa Kagurangnan na satong Dios, tanganing maglingkod sa mga dios-dios kan ibang nasyon. Nakakaagid ini sa sarong kahoy na nagin mapait asin nakakahudong an bunga.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

1 Samuel 15:32

Nagboot si Samuel, “Daraha nindo sako si Agag na hade kan mga Amalekita.” Maogmang nagdolok saiya si Agag na nagsasaboot, “Totoong nakaagi na an kapaitan nin kagadanan!”