Mga Bilang 5:15 - Marahay na Bareta Biblia

¹⁵ sa arin man na kaso, dadarahon kan lalaki an saiyang agom sa padi. Dadarahon man niya an dolot para sa saiyang agom—sarong kilo nin arinang sebada. Dai niya iyan uulaan nin lana, ni bubugtakan nin insenso, huli ta iyan dolot nin pag-imon, sarong dolot tanganing aramon an katotoohan.

Mga Bilang 5:15 ပူးပေါင်းရင်းမြစ်များ

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

Ezekiel 21:23

An mga taga Jerusalem dai matubod kaini huli kan mga tipan na ginibo ninda. Alagad an kapahayagan na ini magpapagiromdom sainda kan saindang mga kasalan, asin magpapatanid sainda na sinda mabibihag.

Ezekiel 29:16

An mga Israelita dai na nanggad masarig sa Egipto. An nangyari sa Egipto magpapagiromdom sa sainda na nasala sinda sa pagsarig sa nasyon na idto. Dangan maaaraman nin Israel na ako an Kagurangnan Dios.”

Oseas 3:2

Kaya nagbayad ako nin kinseng pedasong plata saka syento singkwenta kilos nin sebada tanganing bakalon siya.

Levitico 1:2

na kukuyogon kan mga Israelita kun nagdodolot sinda nin mga sakripisyo. Kun an siisay man saindo magdara nin dolot sa Kagurangnan, pwede niyang darahon an saro kan saiyang mga baka, karnero o kanding.

Levitico 2:1

Kun magdara nin trigo an siisay man tanganing idolot sa Kagurangnan bilang dolot na pagkakan, kaipuhan na gilingon niya ngona iyan na magin arina. Uulaan niya iyan nin lana nin oliba asin bubugtakan nin insenso sa ibabaw,

Levitico 5:11

Alagad kun dai niya kayang magdolot nin duwang salampati o duwang agbaan, madara siya nin sarong kilong arina bilang dolot para sa saiyang kasalan. Dai niya iyan bubugtakan nin lana nin oliba o nin insenso, huli ta iyan sarong dolot para sa kasalan asin bakong dolot na pagkakan.

Mga Bilang 5:16

Dadarahon kan padi an babae sa enotan dangan papatindogon niya sa atubangan kan altar.

Hebreyo 10:3

An nangyari logod, an mga atang na iyan pa an nagpapagiromdom taon-taon sa mga tawo kan saindang mga kasalan.