Mga Bilang 4:15 - Marahay na Bareta Biblia

¹⁵ Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.

Mga Bilang 4:15 ပူးပေါင်းရင်းမြစ်များ

2 Samuel 15:24

Yaon duman an padi na si Zadok, kaiba an gabos na Levita; dara ninda an Kaban nin Tipan. Ibinugtak ngona ninda ini sa daga sagkod na makahale an gabos na tawo sa syudad. Yaon man duman an padi na si Abiatar.

2 Samuel 6:13

Pakalakaw nin anom na lakad kan mga nagdadara kan Kaban nin Tipan, pinaontok sinda ni David, dangan nagdolot siya sa Kagurangnan nin sarong torong baka asin sarong pinatabang ogbon nin baka.

1 Mga Hade 8:3

Kan tiripon na an gabos na kamagurangan, binuhat kan mga padi an Kaban nin Tipan

1 Mga Cronica 15:15

Pinasan kan mga lalaki an Kaban nin Tipan nin Dios sa paagi kan mga olayan, sosog sa ipinagboot nin Kagurangnan ki Moises.

1 Mga Cronica 15:2

Dangan nagsabi si David, “An mga Levita sana iyo an makakapagdara kan Kaban nin Tipan, huli ta sinda an pinili nin Kagurangnan na magdara kaiyan asin maglingkod saiya sagkod pa man.”

1 Mga Cronica 23:26

Kaya an mga Levita dai na kaipuhan magdara kan Tabernakulo asin kan mga kasangkapan na ginagamit sa pagsamba.”

Exodo 19:12

Bugtakan mo nin kasagkoran sa palibot kan bukid na dai dapat lampasan kan mga tawo, asin sabihan mo sinda na dai magtukad o magrani sa bukid. An maggibo kaiyan, gagadanon;

Exodo 19:21

Tinaraman siya nin Kagurangnan, “Maghilig ka asin patanidan mo an mga tawo na dai maglampas sa kasagkoran sa paghiling sako. Kun gibohon ninda iyan, dakul sainda an magagadan.

Exodo 27:7

dangan isurok sa mga siningsing tanganing an mga pasanan yaon sa duwang gilid kan altar kun dinadara ini.

Levitico 16:13

dangan sa atubang nin Kagurangnan, ibubugtak niya sa baga an insenso tanganing tahoban kan aso kan insenso an takop kan Kaban nin Tipan, tanganing dai niya iyan mahiling asin dai siya magadan.

Mga Bilang 1:50

kundi gibohon mo sindang paraataman kan Tabernakulo asin kan mga kagamitan kaini; sinda an madara kan Tabernakulo sagkod kan mga kagamitan kaiyan, maglilingkod diyan patin makampo sa palibot kaiyan.

Mga Bilang 1:51

Kun maliwat kamo nin kampo, an mga Levita an matangkas kan Tabernakulo asin matugdok kaiyan sa bagong lugar. An magrani sa Tabernakulo pwera sainda, gagadanon.

Mga Bilang 10:21

Masunod an mga Levitang kamaganakan ni Kohat na dara an mga sagradong bagay. Pag-abot ninda sa bagong kampo, napatindog na an Tabernakulo.

Mga Bilang 18:3

Malingkod sinda saimo asin magibo kan gabos na trabaho sa Tabernakulo, alagad dai nanggad sinda magduta sa mga sagradong bagay sa laog kan Banal na Lugar o sa altar tanganing sinda saka ika dai magadan.

Mga Bilang 3:38

Si Moises saka si Aaron asin an mga aki kaini iyo an makampo sa parteng sirangan, sa atubangan kan Tabernakulo. Sinda an mamamahala sa gigibohon na mga seremonya sa laog kan Tabernakulo para sa banwaan nin Israel. Pwera sainda, an siisay man na maggibo kaiyan gagadanon.

Mga Bilang 4:14

Pakatapos, ibubugtak ninda sa ibabaw kaiyan an gabos na kasangkapan na ginagamit sa paglilingkod sa altar: an mga bugtakan nin baga, an mga pansipit, mga pala saka mga palanggana. Papatoson ninda iyan nin sarong anit nin kanding dangan isusurok ninda an mga pasanan.

Mga Bilang 4:19

na magadan huli sa pagdolok ninda sa mga sagradong kagamitan. Tanganing dai iyan mangyari, itutukdo sainda ni Aaron saka kan mga aki niya, kun ano an saindang mga gigibohon asin kun ano an saindang dadarahon.

Mga Bilang 4:20

Alagad dai sinda maglaog tanganing maghiling kan mga banal na bagay maski sa kadikit na panahon, huli ta magagadan sinda.”

Mga Bilang 7:9

Dai niya tinawan nin ano man an mga aki ni Kohat huli ta an katongdan na itinao sainda iyo an pangataman kan mga sagradong bagay na kaipuhan pasanon ninda.

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

Josue 4:10

An mga padi nagtirindog sa tahaw kan Jordan sagkod na natapos an mga ipinagboot nin Kagurangnan ki Josue na gibohon kan mga tawo. Ini an ipinagboot ni Moises. Naghidali an mga tawo sa pagbalyo sa salog.

1 Samuel 6:19

Ginadan nin Kagurangnan an setenta sa kalalakihan kan Bet-semes huli ta naghiling sinda sa laog kan Kaban nin Tipan. Nagmorondo an mga tawo duman huli ta dakul sainda an ginadan nin Kagurangnan.