Mga Bilang 4:12 - Marahay na Bareta Biblia

¹² An gabos na kasangkapan na ginagamit sa Banal na Lugar kukuahon ninda dangan ibubugtak sa sarong asul na tela. Dangan papatoson ninda iyan sa anit nin kanding asin ibubugtak sa sarong lalagan.

Mga Bilang 4:12 ပူးပေါင်းရင်းမြစ်များ

1 Mga Cronica 9:28

Nagkapirang mga Levita an namahala kan mga kasangkapan na ginagamit sa pagsamba. Binibilang ninda an mga kagamitan kun ilinuluwas dangan kun ibinabalik.

1 Mga Cronica 9:29

An iba sainda iyo an pinamahala kan banal na mga kagamitan, asin man kan arina, arak, lana nin oliba, insenso, saka mga pahamot.

2 Mga Cronica 4:11

Naggibo man si Huram nin mga kaldero, mga pala asin mga mangko. Tinapos niya an gabos na ipinagibo saiya ni Hadeng Solomon para sa Templo nin Dios:

2 Mga Cronica 4:19

Nagpagibo man si Solomon nin bulawan na mga kagamitan para sa Templo: an altar, an mga lamesa para sa mga tinapay na dolot sa Dios;

2 Mga Cronica 4:22

an mga pamalsok kan ilaw, an mga mangko, an mga plato para sa insenso, asin an mga bugtakan nin baga. Gabos ini gibo sa purong bulawan. An mga pinto sa luwas kan Templo asin an mga pinto pasiring sa Kabanal-banaleng Lugar pinatos sa bulawan.

Exodo 25:5

anit nin lalaking karnero na tinugma nin pula; anit nin kanding; tablang akasya;

Exodo 25:9

An Tabernakulo asin an gabos na kasangkapan kaiyan gibohon nindo siring sa plano na ipapahiling ko saimo.

Exodo 31:10

an magagayon na gubing kan pading si Aaron sagkod kan saiyang mga aki na gagamiton ninda sa paglingkod sako bilang mga padi,

Mga Bilang 3:8

Sinda an mangangataman kan mga kagamitan sa Tabernakulo asin maotob kan mga katongdan para sa mga Israelita.

Mga Bilang 4:11

An altar na bulawan bibikladan ninda nin sarong telang asul asin papatoson nin sarong anit nin kanding. Pakatapos, isusurok ninda an mga pasanan.

Mga Bilang 4:13

An altar hahalean ninda nin abo dangan tatahoban nin pulang tela.

Mga Bilang 4:6

An Kaban tatahoban ninda nin anit nin kanding dangan ibibiklad ninda sa ibabaw kaiyan an sarong telang anas asul. Dangan isusurok ninda an mga pasanan.

Mga Bilang 4:7

Sa ibabaw kan lamesa para sa tinapay na dolot sa Kagurangnan, ibibiklad ninda an sarong telang asul dangan ibubugtak ninda digdi an mga plato, an mga mangko para sa insenso saka dolot, asin an mga tapayan para sa dolot na alak patin an danay na tinapay.

Mga Bilang 4:9

Makua sinda nin sarong telang asul, dangan tatahoban ninda an kandelero, kaiba an mga ilaw, mga pansipit, mga bandehado saka an gabos na lalagan kan lana nin oliba.