Mga Bilang 36:6 - Marahay na Bareta Biblia

⁶ kaya ipinagboboot nin Kagurangnan na pwedeng magpaagom an mga aking babae ni Zelofehad sa mga lalaking nagugustohan ninda, alagad sa mga lalaking katribu sana ninda.

Mga Bilang 36:6 ပူးပေါင်းရင်းမြစ်များ

Genesis 24:3

Isumpa mo sa ngaran nin Kagurangnan, an Dios kan langit asin daga, na an sakong aki dai mo ikukua nin agom na gikan sa Canaan na pinakikihimanwahan ko.

1 Mga Cronica 23:22

Nagadan si Eleazar na mayong aking lalaki kundi mga babae sana; inagom an mga ini kan saindang mga kadugo, kan mga aking lalaki ni Kis.

Mga Bilang 27:7

“Tama an mga aking babae ni Zelofehad. Tawan mo sinda kan saindang kahirasan sa kaibahan kan mga kadugo kan saindang ama. Itao mo sainda an kahirasan niya.

Mga Bilang 36:12

Nagpaagom sinda sa kaayon kan mga kamaganakan kan tribu ni Manases na aking lalaki ni Jose. Kaya nagdanay sa tribu kan saindang ama an saindang pagsadiri.

Mga Bilang 36:5

Kaya itinao ni Moises sa mga Israelita an pagboot na hale sa Kagurangnan. Nagsabi si Moises, “Tama an sinabi kan tribu ni Manases,

2 Corinto 6:14

Dai kamo makiiba sa mga bakong paratubod. Paanong magigin magkabagay an tama saka an sala? Paanong magkasaro an liwanag saka an diklom?