Mga Bilang 36:10 - Marahay na Bareta Biblia

^10-11 Kaya an pagboot nin Kagurangnan ki Moises kinuyog kan mga aking babae ni Zelofehad na iyo si Mala, Tirza, Hogla, Milca, asin Noe; nagpaagom sinda sa saindang mga primo.

Mga Bilang 36:10 ပူးပေါင်းရင်းမြစ်များ

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

Exodo 12:50

Nagkuyog an gabos na Israelita asin ginibo an ipinagboot nin Kagurangnan ki Moises saka ki Aaron.

Levitico 24:23

Pakasabi ni Moises kaini sa banwaan nin Israel, dinara ninda sa luwas kan kampo an lalaki asin duman ninda ini ginapo sagkod na magadan. Sa paaging ini inotob kan banwaan nin Israel an ipinagboot nin Kagurangnan ki Moises.

Mga Bilang 1:54

Ginibo kan mga Israelita an gabos na ipinagboot nin Kagurangnan ki Moises.

Mga Bilang 36:9

Kaya mayo nin kahirasan na makakabalyo sa ibang tribu. Danay na masasadirihan kan lambang tribu an pagsadiri kaiyan.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Josue 17:4

Nagduman sinda sa pading si Eleazar, ki Josue na aki ni Nun asin sa mga lider nin Israel dangan nagsabi, “Pinagbotan nin Kagurangnan si Moises na hirasan kami kan daga bilang pamana siring kan samong mga lalaking kadugo.” Kaya siring sa ipinagboot nin Kagurangnan, tinawan sinda nin daga arog kan saindang mga lalaking kadugo.