Mga Bilang 35:34 - Marahay na Bareta Biblia

³⁴ Dai nindo pagdigtaan an dagang pinag-eerokan nindo, huli ta ako an Kagurangnan asin nag-eerok ako sa kaibahan kan banwaan nin Israel.”

Mga Bilang 35:34 ပူးပေါင်းရင်းမြစ်များ

1 Mga Hade 6:13

Maerok ako sa kaibahan kan sakong banwaan na Israel digdi sa Templong ini na ipinapatugdok mo, asin dai ko sinda papabayaan.”

Salmo 132:14

“Ini iyo an sakuyang pahingaloan sagkod pa man; digdi ako maerok, huli ta ini an sakong kamawotan.

Salmo 135:21

Hale sa Sion omawon an Kagurangnan, na nag-eerok sa Jerusalem! Omawon an Kagurangnan!

Exodo 25:8

Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 8:12

“Dai ka mag-apil sa mga plano kan mga tawo asin dai ka matakot sa mga bagay na saindang natatakotan.

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Ezekiel 35:10

“Nagsabi kang sadiri mo an duwang nasyon nin Juda saka Israel, kaiba an saindang mga daga, asin sasadirihon mo an mga iyan maski ako, an Kagurangnan, iyo an saindang Dios.

Oseas 9:3

Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Mga Bilang 16:3

Nagtiripon sinda sa atubang ni Moises saka ni Aaron, dangan nagsabi, “Sobra na an gibo nindo! Sadiri nin Kagurangnan an gabos na kaayon sa komunidad asin kaibahan siya kan gabos. Tadaw ta nagpapalangkaw kamo sa komunidad nin Kagurangnan?”

Mga Bilang 5:3

Iluwas nindo sinda, babae man o lalaki, tanganing dai ninda madigtaan an kampo na pinag-eerokan ko kaiba an sakong banwaan.”

Deuteronomio 21:23

dai iyan dapat pagpaagahan. Kaipuhan ilubong an bangkay sa aldaw man sanang iyan, huli ta an bangkay na nabibitay sa kahoy nagdadara sa daga kan maldisyon nin Dios. Ilubong nindo an bangkay tanganing dai madigtaan an daga na itatao saindo nin Kagurangnan na saindong Dios.

Deuteronomio 21:8

Kagurangnan, patawada an Israel na saimong banwaan na ilinigtas mo sa Egipto. Patawada kami asin hare kami pagpasimbaga sa pagkagadan nin sarong tawo na mayong sala.’

Deuteronomio 6:15

Kun magsamba kamo sa mga dios-dios, malaad saindo an kaanggotan nin Kagurangnan asin tutunawon niya kamo, huli ta an Kagurangnan na nasa kaibahan nindo, sarong maimon na Dios.

Kapahayagan 21:27

Alagad mayong anoman na maati na makakalaog sa syudad, ni an mga naggigibo nin karatan o nagtataram nin kaputikan. An makakalaog sa syudad iyo sana an mga tawo na an ngaran nasusurat sa libro kan Kordero—an libro nin buhay.

Kapahayagan 21:3

Nadangog ko an sarong makosog na tingog hale sa trono na nagsabi, “Ngunyan an erokan nin Dios nasa mga tawo na! An Dios mismo mag-eerok kaiba ninda asin sinda magigin banwaan niya. An mismong Dios an magigin kaiba ninda asin siya an magigin Dios ninda.