Mga Bilang 35:20 - Marahay na Bareta Biblia

²⁰ “Alagad kun sa kaongisan, hipaan nin sarong tawo an saiyang kapwa dangan ginadan niya sa paagi nin pagbuno o paggapo nin ano man saiya

Mga Bilang 35:20 ပူးပေါင်းရင်းမြစ်များ

Genesis 4:5

alagad dai niya inako si Cain saka an dolot kaini. Kaya naanggot nin marahay si Cain asin nagmorosdot siya.

Genesis 4:8

Dangan sinabihan ni Cain si Abel, “Magduman kita sa kaomahan.” Kan yaon na sinda duman, ginadan ni Cain an saiyang tugang na si Abel.

2 Samuel 13:22

Naongis nin marahay si Absalom ki Amnon huli kan paglupigi niya ki Tamar, kaya dai na niya kinakaolay si Amnon.

2 Samuel 20:10

Dai nahiling ni Amasa an espadang kapot ni Joab sa ibong na kamot, kaya nasaksak siya ni Joab sa tulak asin nawawa an saiyang bituka sa daga. Nagadan tolos si Amasa; dai na kaipuhan na saksakon pa siya giraray ni Joab. Linamag si Sheba ni Joab asin ni Abisai na tugang ni Joab.

2 Samuel 3:27

Pag-abot ni Abner sa Hebron, isiniblag siya ni Joab sa may trangkahan, na garo boot kaolayon sa hilom, asin duman binuno siya ni Joab sa tulak. Kaya ginadan si Abner huli ta ginadan niya an tugang ni Joab na si Asahel.

Salmo 11:2

huli ta ibiningat na kan mga maraot an saindang pana, tanganing sa kadikloman panaon an mga matanos.

Exodo 21:14

Alagad kun tinuyong salakayon an sarong tawo tanganing pasaluib na gadanon, an nakagadan kuahon nindo dangan gadanon maski nakatago na siya sa sakong altar.

Mga Talinhaga 26:24

An pagkaongis itinatago kan parasagin-sagin sa likod nin magagayon na tataramon.

Mga Talinhaga 28:17

Pabayaan nindong maglagalag sagkod na magadan an tawong nagkasala nin panggadan; dai nindo siya pagtabangan.

Mga Bilang 35:19

An pinakaharaning kadugo kan biktima iyo an magadan kan kriminal. Gagadanon niya ini kun saiyang mahiling.

Mga Bilang 35:21

o pagsuntok, nagkasala siya nin paggadan asin dapat na gadanon. An pinakaharaning kadugo kan biktima iyo an magadan kan kriminal. Gagadanon niya ini kun saiyang mahiling.

Markos 6:19

Nagkaigwa nin hilom na kaanggotan si Herodias ki Juan asin boot niya ining ipagadan, alagad dai niya magibo,

Lukas 4:29

Nagtirindog sinda, ginuyod si Jesus paluwas sa banwaan asin dinara duman sa alitoktok kan bulod na namumugtakan kan saindang banwaan nganing ihulog siya sa ampas.

Mga Gibo 20:3

Nag-erok siya digdi nin tolong bulan. Nag-aandam na siyang magsakay pasiring sa Siria kan maaraman niya na pinaghohomaan siya kan mga Judio. Kaya pinagmarahay niyang bumalik, asin sa Macedonia giraray siya nag-agi.

Mga Gibo 23:21

Alagad dai ka magtubod sainda huli ta may sobra sa kwarenta katawo na maghihipa saiya. Gabos sinda nagsumpa na dai makakan o mainom sagkod na magadan ninda siya. Ngunyan andam na sinda asin naghahalat na sana kan saimong simbag.”

Deuteronomio 19:11

“Alagad kun tuyong gadanon kan sarong tawo an saiyang kaiwal, dangan magdulag siya pasiring sa saro kan mga syudad na pailihan,

1 Samuel 18:25

Pinagbotan sinda ni Saul na sabihan si David, “Dai man nagmamawot nin dote sa kasal an hade; an boot sana niya iyo an sanggatos na kaputol na kublit kan kinabuhay kan mga Filisteo, tanganing makabalos siya sa saiyang mga kaiwal.” (Iyo ini an plano ni Saul tanganing magadan si David kan mga Filisteo.)

1 Samuel 20:1

Dangan naghale si David sa Naiot sa Rama asin nagduman ki Jonatan. Hinapot niya si Jonatan, “Ano an ginibo ko? Ano an sakong kasalan? Anong karatan an ginibo ko sa saimong ama ta boot niya akong gadanon?”

1 Samuel 24:11

Hilinga, sakong ama, hilinga an sadit na pedasong ini kan saimong gubing! Pwede taka kutanang gadanon, alagad iyo sana ining pedaso kan saimong gubing an tinabas ko. Katunayan ini na mayo akong isip na magrebelde laban saimo o magkasala. Pinaghahanap mo ako tanganing gadanon maski mayo ako nin naginibong maraot saimo.