Mga Bilang 35:12 - Marahay na Bareta Biblia

¹² Duman magigin ligtas siya sa boot magbalos na kadugo kan nagadan; an sarong tawo na nakagadan dai pwedeng gadanon sagkod na dai siya nahuhukoman sa atubangan kan banwaan.

Mga Bilang 35:12 ပူးပေါင်းရင်းမြစ်များ

2 Samuel 14:7

Ngunyan, iniiwal ako kan gabos kong kadugo asin hinahagad na itao ko sainda an nakagadan, tanganing gadanon ninda huli sa paggadan niya kan saiyang tugang. Kun gibohon ko iyan, mawawaraan ako nin aking lalaki. Gagadanon ninda an huri kong paglaom, asin an sakong agom mawawaraan nin aking lalaki na mapadagos kan saiyang ngaran.”

Mga Bilang 35:13

Pumili kamo nin anom na syudad,

Mga Bilang 35:19

An pinakaharaning kadugo kan biktima iyo an magadan kan kriminal. Gagadanon niya ini kun saiyang mahiling.

Deuteronomio 19:4

Kun an sarong tawo dai tuyong makagadan nin kapwa na bako man niya kaiwal, pwede siyang makadulag pasiring sa saro kan mga syudad na iyan tanganing makaligtas siya.

Deuteronomio 19:6

Kun saro sana an syudad, pwedeng harayo ini nin marahay, kaya pwedeng maabotan kan kadugo kan nagadan an lalaking nakagadan, asin sa saiyang kaanggotan, ini saiyang magadan minsan inosente, huli ta aksidente man sana an pakagadan niya sa lalaki na bako man niya kaiwal.

Josue 20:2

na sabihan an mga Israelita, “Magpili kamo nin mga syudad na pailihan, na itinaram ko saindo huli ki Moises.

Josue 20:9

Iyo ini an mga syudad na pailihan na pinili para sa mga Israelita asin para sa kiisay man na dayuhan na nakikihimanwa sainda. An siisay man na dai tuyong makagadan nin kapwa, pwedeng dumulag pasiring duman tanganing dai siya magadan kan boot magbalos, sagkod na hukoman siya sa atubang kan banwaan.