Mga Bilang 35:11 - Marahay na Bareta Biblia

¹¹ mapili kamo nin mga syudad na pailihan tanganing an sarong tawo na dai tuyong makagadan nin kapwa pwedeng magdulag pasiring duman.

Mga Bilang 35:11 ပူးပေါင်းရင်းမြစ်များ

Exodo 21:13

Alagad kun dai man tinuyong kulogan an sarong tawo asin nagadan ini, an nakagadan pwedeng dumulag sa lugar na pipilion ko asin magigin ligtas siya duman.

Levitico 4:2

na sabihan an banwaan nin Israel na kun an saro sainda magkasala asin maglapas kan arin man sa ipinagboboot nin Kagurangnan na dai man tinutuyo, kaipuhan otobon niya ining mga pagboot.

Levitico 4:22

Kun an magkasala iyo an pamayo kan banwaan, alagad dai man tinutuyo na makaginibo siya nin paglapas kan arin man sa mga pagboot nin Kagurangnan na saiyang Dios,

Mga Bilang 35:15

Iyan an magigin mga syudad na pailihan para sa mga Israelita, asin sa mga dayuhan na nag-eerok sa kaibahan nindo o nakikihimanwa saindo. An siisay man na dai tuyong makagadan nin kapwa, pwedeng dumulag pasiring sa arin man kan mga syudad na iyan.

Mga Bilang 35:6

Tatawan nindo nin anom na syudad na pailihan an mga Levita na pwedeng dumanan nin sarong tawong dai tuyong nakagadan kan saiyang kapwa. Laen pa kaiyan, tatawan pa nindo sinda nin kwarenta y dos na syudad.

Deuteronomio 4:42

tanganing magin pailihan kan siisay man na tawo na dai tuyong nakagadan nin kapwa, na bako man niya kaiwal. Dai na siya pwedeng gadanon kun makadulag siya pasiring sa saro kan mga syudad na ini.

Josue 20:2

na sabihan an mga Israelita, “Magpili kamo nin mga syudad na pailihan, na itinaram ko saindo huli ki Moises.