Mga Bilang 32:33 - Marahay na Bareta Biblia

³³ Kaya itinao ni Moises sa mga tribu ni Gad, ni Ruben, asin sa kabanga kan tribu ni Manases an gabos na teritoryo ni Sihon na hade kan mga Amoreo asin ni Og na hade nin Basan, kaiba an mga banwa asin mga baryo sa palibot kan mga iyan.

Mga Bilang 32:33 ပူးပေါင်းရင်းမြစ်များ

1 Mga Cronica 26:32

Nagpili si David nin dos mil syete syentos na mga bantog na pamayo nin mga pamilya sa mga kadugo ni Jerias, asin pinapamahala niya sinda kan gabos na trabaho kan Kagurangnan asin kan paglingkod sa hade duman sa sirangan kan Salog nin Jordan—an teritoryo ni Ruben, ni Gad, saka ni Manases sa Sirangan.

1 Mga Cronica 5:18

An mga tribu ni Ruben, ni Gad, asin ni Manases sa sirangan igwa nin kwarenta y kwatro mil syete syentos sesentang mga soldados, na gabos eksperto sa paggamit nin kalasag, espada, asin pana.

Mga Bilang 32:1

Dakul nin marahay an ataman na mga hayop kan tribu ni Ruben asin ni Gad. Kan mahiling ninda kun gurano karahay para sa mga baka an daga nin Jazer asin nin Gilead,

Mga Bilang 32:32

Mabalyo kami pasiring sa Canaan asin makikigera tanganing danay na masadirihan mi an samong kahirasan digdi sa sirangan kan Jordan.”

Mga Bilang 34:14

An mga tribu ni Ruben, ni Gad, asin kan kabangang tribu ni Manases nag-ako na kan saindang kahirasan sosog sa saindang mga pamilya,

Mga Bilang 34:15

duman sa sirangan na kabtang kan Jordan, kahampang kan Jerico.”

Deuteronomio 29:8

kinua ta an saindang daga asin satong itinao bilang pamana ki Ruben, ki Gad, sagkod sa kabanga kan tribu ni Manases.

Josue 12:1

Nasakop na kan mga Israelita an daga sa sirangan kan Jordan asin duman na sinda nag-erok. An dagang idto minapoon sa Kapantayan nin Arnon sagkod sa Kapantayan nin Jordan asin sa Bukid nin Hermon sa amihan. Duwang hade an nadaog ninda.

Josue 12:6

An duwang hadeng ini dinaog ni Moises asin kan mga Israelita. An saindang daga itinao ni Moises, na sorogoon nin Kagurangnan, sa mga tribu ni Ruben, ni Gad asin sa kabanga kan tribu ni Manases, bilang pagsadiri ninda.

Josue 14:3

Itinao na ni Moises sa duwa may kabangang tribu an daga sa sirangan kan Salog nin Jordan. (An kapagarakian ni Jose binanga sa duwang tribu: an tribu ni Manases asin ni Efraim.) Dai tinawan ni Moises nin daga an mga Levita. Alagad tinawan niya sinda nin mga syudad na pag-eerokan na igwa nin mga pasabsaban para sa saindang mga hayop.

Josue 22:4

Ngunyan, an kapwa nindo Israelita tinawan na nin katoninongan nin Kagurangnan na saindong Dios, siring sa saiyang panuga. Kaya magbalik na kamo sa dagang pinili nindo bilang kahirasan, an daga sa sirangan kan Jordan na itinao saindo ni Moises, na sorogoon nin Kagurangnan.

1 Samuel 13:7

an iba nagbaralyo sa Salog nin Jordan pasiring sa teritoryo nin Gad asin nin Gilead. Idtoon pa si Saul sa Gilgal, asin an mga tawong kairiba niya pinagtatarakigan sa takot.