Mga Bilang 32:3 - Marahay na Bareta Biblia

^3-4 “An rehiyon na ini nasakop kan mga Israelita sa tabang nin Kagurangnan—an mga banwa nin Atarot, Dibon, Jazer, Nimra, Hesbon, Eleale, Sibma, Nebo, asin Beon—marahay na daga para sa mga hayop, asin dakul nin marahay an samong mga hayop.

Mga Bilang 32:3 ပူးပေါင်းရင်းမြစ်များ

Nehemias 9:22

“Pinasakop mo sainda an mga nasyon saka mga kahadean, mga dagang yaon sa saindang pagdolonan. Sinakop ninda an daga nin Hesbon, na an hade iyo si Sihon, asin an daga nin Basan, na an hade iyo si Og.

Isaias 15:6

Mamara na an Sapa nin Nimrim; alang na an doot sa harani kaiyan, asin mayo nang berdeng natada.

Jeremias 48:1

Iyo ini an itinaram nin Kagurangnan nin mga hukbo manongod sa Moab: “Herak man sa mga taga Nebo— rinaot na an saindang banwa! Nasakop na an Kiriataim, rinumpag an makosog kaining bantayan asin pinasopog an mga namamanwaan;

Jeremias 48:2

mayo na an kabantogan nin Moab. Sinakop na kan kaiwal an Hesbon saka iniisip nindang raoton an nasyon nin Moab. Papaalohon an banwa nin mga tawong rungaw; sasalakayon iyan kan mga soldados.

Jeremias 48:32

Orog pa sa pagtangis ko para sa mga taga Jazer an gigibohon kong pagtangis para saindo, mga taga Sibma. Syudad nin Sibma, garo ka sarong balagon na an mga sanga nakalampas sa Gadan na Dagat asin nakaabot sa Jazer. Alagad ngunyan, rinaot na an mga bunga kan saimong mga kahoy saka mga ubas.

Jeremias 48:34

Nagkukurahaw an Hesbon saka Eleale, asin an kinurahaw ninda nakakaabot sa Jahaz; nadadangog iyan magpoon sa Zoar sagkod sa Horonaim saka Eglat-selisiya. Huli ta nagmara maski an tubig kan Sapa nin Nimrim.

Jeremias 48:45

Magtatago sa Hesbon an mga makadulag; iyan an syudad na dating pinamahalaan ni Hadeng Sihon. Alagad nagkakalayo an Hesbon asin nasusulo an palasyo ni Hadeng Sihon. Tinompos kan kalayo an mga pagdolonan asin an mga kabukidan kan mga taga Moab na tood sa pakilaban.

Ezekiel 25:9

kaya tutugotan kong salakayon an mga syudad na nagbabantay kan mga pagdolonan kan Moab, salakayon sagkod an pinakamarahay na mga syudad nin Bet-jesemot, Baal-meon, saka Kiriataim.

Mga Bilang 21:28

Hale sa syudad nin Hesbon luminuwas siring sa kalayo an hukbo ni Sihon, Asin ginaba kaiyan an syudad nin Ar sa Moab. Hinalon an mga kagurangnan kan kabubuldan nin Arnon.

Mga Bilang 21:30

Kaya naubos an saiyang kapagarakian magpoon sa Hesbon sagkod sa Dibon Magpoon sa Nasim sagkod sa Nofa, harani sa Medeba.”

Mga Bilang 21:32

Dangan nagpadara si Moises nin mga espiya tanganing siyasaton an syudad nin Jazer. Nasakop ninda an Jazer sagkod an mga nakapalibot na banwa kaiyan. Pinalayas ninda an mga Amoreo na nag-eerok duman.

Mga Bilang 32:1

Dakul nin marahay an ataman na mga hayop kan tribu ni Ruben asin ni Gad. Kan mahiling ninda kun gurano karahay para sa mga baka an daga nin Jazer asin nin Gilead,

Mga Bilang 32:2

nagduman sinda ki Moises, ki Eleazar asin sa mga lider kan komunidad dangan nagsabi,

Josue 13:17

Sakop kan teritoryo ninda an Hesbon saka an gabos na syudad sa kapatagan sa bukid: an Dibon, Bamot-baal, Bet-baal-meon,

Josue 13:19

Kiriat-haim, asin an Sibma. Sakop man ninda an Zeret-sahar na nasa bulod kan kapantayan,

Josue 21:39

an Hesbon, asin an Jazer, kaiba an mga dagang pasabsaban.

Hukom 11:26

Sa laog nin tolong gatos na taon nag-erok an mga Israelita sa Hesbon, sa Aroer, asin sa mga banwa na nasa palibot kaiyan, sagkod sa mga syudad na yaon sa pangpang kan Salog nin Arnon. Tano ta dai mo kinua an dagang idto sa laog kan panahon na iyan?