Mga Bilang 32:23 - Marahay na Bareta Biblia

²³ Alagad kun dai nindo gibohon an saindong panuga, pinapatanidan ko kamo na magkakasala kamo sa Kagurangnan. Tandaan nanggad nindo; papadusahan kamo huli kan saindong kasalan.

Mga Bilang 32:23 ပူးပေါင်းရင်းမြစ်များ

Genesis 13:13

An nag-eerok sa Sodoma mga maraot na tawo asin mga parakasala sa Kagurangnan.

Genesis 4:7

Kun tama an ginibo mo, inako ko kuta an dolot mo alagad nin huli ta maraot an ginibo mo, an kasalan naghihipa sa saimong pintoan. Gusto kang paghadean kaiyan, alagad kaipuhan daogon mo.”

Genesis 44:16

Nagsimbag si Juda, “Ano pa an samong masasabi saimo, kagurangnan? Paano mi sasabihon na mayo kaming sala? Ipinahiling nin Dios an samong kasalan. Oripon mo na kami gabos, bako sana an nakuahan kan kalis.”

2 Samuel 3:39

Maski ako an hade na pinili nin Dios, ako nanluluya ngunyan na aldaw. Sobra para sako an dahas kan mga aking lalaking ini ni Zeruias. Padusahan logod nin Kagurangnan an mga kriminal na ini sosog sa saindang karatan.”

1 Mga Hade 2:32

Papadusahan siya nin Kagurangnan huli ta ginadan niya an duwang lalaking orog na matanos ki sa saiya, si Abner na pamayo kan hukbo nin Israel, asin si Amasa na pamayo kan hukbo nin Juda. Ginadan niya an duwang ini na dai nakakaaram an sakong ama na si David.

1 Mga Hade 2:33

Huli kan saindang pagkagadan, an padusa mahugpa ki Joab asin sa saiyang mga kapagarakian sagkod pa man. Alagad danay na papauswagon nin Kagurangnan an kapagarakian ni David na matukaw sa saiyang trono.”

Salmo 139:11

Kun sabihon ko, “Itago logod ako kan diklom, asin an liwanag sa palibot ko magin banggi,”

Salmo 140:11

An paralibak dai logod mapamugtak sa daga; abotan logod nin karatan asin magadan an mga tulisan.

Salmo 90:8

Hayag sa atubang mo an samong mga kasalan; an mga hilom nyamong kasalan sa liwanag nin saimong lalawogon.

Mga Talinhaga 13:21

An parakasala linalamag kan kasakitan, alagad an matanos binabalosan nin kauswagan.

Mga Talinhaga 24:16

Huli ta an matanos nakakatindog giraray maski siya matumba nin nagkapirang beses, alagad an tampalasan ibabagsak kan kasakitan.

Mga Talinhaga 5:22

Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Isaias 59:12

“Kagurangnan, kadakul na karatan an nagibo mi laban saimo; nagsasaksi an samong kasalan laban samo. Aram mi iyan gabos.

Jonas 1:7

Nag-orolay an mga tripulante, “Magripa kita tanganing maaraman ta kun siisay an nagdara sato sa pag-alaman na ini.” Nagripa sinda asin an ngaran ni Jonas an nagluwas.

Roma 2:9

Sakit saka dusa an aakoon kan gabos na tawong maraot an gibo, enot an mga Judio, dangan an mga Griyego.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

Josue 7:18

Saro-sarong pinadolok ni Josue an pamilya ni Zabdi asin napili si Acan na aki ni Carmi asin makoapo ni Zabdi.