Mga Bilang 32:14 - Marahay na Bareta Biblia

¹⁴ Ngunyan kamo an nakasalihid sa saindong mga ama, sarong bagong henerasyon nin parakasalang mga lalaki na mapaanggot giraray sa Kagurangnan laban sa Israel.

Mga Bilang 32:14 ပူးပေါင်းရင်းမြစ်များ

Genesis 5:3

Kan syento treynta na an edad ni Adan, nagkaigwa siya nin aking lalaki na arog saiya. Nginaranan niya ining Set.

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

2 Mga Cronica 28:13

Nagsabi sinda, “Dai nindo pagdarahon digdi an mga bihag! Nagkasala kita sa Kagurangnan asin pinaanggot nyato siya, kaya maninigo kitang padusahan. Ngunyan boot pa nindong dagdagan an satong kasalan.”

Esdras 10:10

Nagtindog an padi na si Esdras dangan nagtaram sainda, “Dai kamo nagin maimbod huli kan pag-agom nindo sa mga dayuhan na babae; pinadakula nindo an kasalan nin Israel.

Nehemias 13:18

Dai nindo aram na an gaweng ini kan saindong mga ginikanan an dahelan kan pagpadusa nin Dios sa syudad na ini? Alagad mas makuring kaanggotan nin Dios an boot nindong darahon sa Israel huli kan paglapas nindo kan Sabbath.”

An Libro ni Job 14:4

Siisay an makakapaluwas nin malinig na bagay hale sa maati? Mayo nin siisay man.

Salmo 78:57

kundi nagtumang sinda asin dai nagin maimbod siring kan saindang mga magurang; dai sinda masasarigan siring sa tikong pana.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Isaias 57:4

Siisay an saindong pinag-oolog-olog? Kamong mga putikon, siisay an saindong pinagngingisihan?

Ezekiel 20:21

“Alagad an henerasyon na idto nagtumang man sako. Dai sinda naglakaw sosog sa sakong mga pagboot asin sinuhay ninda an sakong mga togon, na nagdadara nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Mga Bilang 32:15

Kun dai kamo magkuyog ngunyan sa Kagurangnan, papabayaan niya liwat an mga tawong ini sa kalangtadan, asin kamo an maninimbag kan saindang kagadanan.”

Lukas 11:48

Kaya kamo man sana an nagpapatotoo na oyon kamo sa ginibo kan saindong mga ginikanan; huli ta ginadan ninda an mga propeta dangan kamo an naggibo kan saindang mga pantyon.

Deuteronomio 9:24

Magpoon na mamidbid ko kamo, nagin matumang na kamo sa Kagurangnan.