Mga Bilang 31:6 - Marahay na Bareta Biblia

⁶ Ipinadara sinda sa gera ni Moises sa pamamahala ni Finehas na aking lalaki kan pading si Eleazar. Siya man an namahala kan mga banal na kagamitan asin kan mga trompeta para sa alarma.

Mga Bilang 31:6 ပူးပေါင်းရင်းမြစ်များ

2 Samuel 11:11

Nagsimbag si Urias, “Nasa gera an kalalakihan nin Israel saka Juda, asin an Kaban nin Tipan yaon sa kaibahan ninda; an sakong pamayo na si Joab, siring man an saiyang mga opisyal nagkakampo sa kahiwasan. Mapuli daw ako sa sakong harong tanganing magkakan, mag-inom, asin magdorog sa sakong agom? Sa ngaran kan gabos na banal, isinusumpa ko na dai ko iyan magigibo!”

Esdras 7:5

Si Bukki aki ni Abisua, na aki ni Finehas, na aki ni Eleazar, na aki ni Aaron, an Halangkaw na Padi.

Exodo 25:9

An Tabernakulo asin an gabos na kasangkapan kaiyan gibohon nindo siring sa plano na ipapahiling ko saimo.

Mga Bilang 14:44

Alagad nagdagos sinda sa mabulod na daga maski dai ninda dara an Kaban nin Tipan asin dai nag-iba sainda si Moises.

Mga Bilang 31:5

Kaya sangribong lalaki an pinili ninda hale sa lambang tribu nin Israel. Uminabot sa dose mil an bilang kan mga lalaking andam gabos sa pakilaban.

Deuteronomio 20:2

Bago kamo makilaban, sarong padi an mapaenotan asin masabi sa hukbo,

Josue 22:13

Sinugo kan mga Israelita si Finehas, na aki ni Eleazar na padi, na magduman sa Gilead sa mga tribu ni Ruben, Gad, asin sa kabangang tribu ni Manases.

1 Samuel 14:18

Sinabihan ni Saul an pading si Ahias, “Daraha digdi an Kaban nin Tipan.” (Kan panahon na idto, an Kaban nin Tipan nin Dios yaon sa kaibahan kan mga Israelita.)

1 Samuel 23:9

Kan maaraman ni David na nagpaplanong salakayon siya ni Saul, sinabihan niya an pading si Abiatar, “Daraha digdi an efod.”

1 Samuel 4:17

Nagsimbag an lalaki, “Nagdurulag an mga Israelita sa mga Filisteo; dakul an nagkagaradan. Kaiba duman an duwa mong aking lalaki na si Hofni saka si Finehas, asin nabihag an Kaban nin Tipan!”