Mga Bilang 31:54 - Marahay na Bareta Biblia

⁵⁴ An bulawan dinara ni Moises asin ni Eleazar sa Tabernakulo tanganing atamanon nin Kagurangnan an banwaan nin Israel.

Mga Bilang 31:54 ပူးပေါင်းရင်းမြစ်များ

Esdras 7:5

Si Bukki aki ni Abisua, na aki ni Finehas, na aki ni Eleazar, na aki ni Aaron, an Halangkaw na Padi.

Salmo 115:1

Sa saimo sana, Kagurangnan, sa saimo sana, asin bakong sa samo, dapat itao an kamurawayan huli kan danay mong pagkamoot asin pagkamaimbod.

Salmo 145:7

Ioosip ninda an gabos mong karahayan, aawiton ninda an saimong katanosan.

Salmo 18:49

Kaya, Kagurangnan, oomawon taka sa tahaw nin mga nasyon; maawit ako nin mga pag-omaw saimo.

Exodo 28:12

Dangan ikabit mo ini sa tirante kan efod bilang paggiromdom sa doseng tribu nin Israel. Sa siring na paagi, dadarahon ni Aaron an saindang mga ngaran sa saiyang mga abaga sa atubang ko tanganing ako, an Kagurangnan, danay na makagiromdom sa sakong banwaan.

Exodo 30:16

An kwartang ini kokolektahon mo sa mga tawo asin gagamiton para sa pag-ataman kan Tabernakulo. Ining buhis iyo an pantubos kan saindang buhay, asin magigiromdoman kong atamanon sinda.”

Zacarias 6:14

An korona magigin sarong giromdom sa Templo nin Kagurangnan sa kaomawan ni Heldai, Tobias, Jedaias, asin Josias.”

Mga Bilang 16:40

bilang sarong pagiromdom sa mga Israelita na an siisay man na bakong gikan sa kapagarakian ni Aaron, dai dapat magrani sa altar tanganing magtutong nin insenso para sa Kagurangnan, huli ta makakaarog siya ki Kora sagkod sa saiyang mga kairiba. An gabos na ini ginibo sosog sa ipinagboot nin Kagurangnan ki Eleazar huli ki Moises.

Lukas 22:19

Dangan nagkua siya nin tinapay, nagpasalamat, binaraak, itinao sa saiyang mga disipulo asin nagsabi, “Ini an sakong hawak, na itinatao para saindo. Gibohon nindo ini sa pagromdom sako.”

Mga Gibo 10:4

Hiniling niya an anghel sa dakulang takot dangan nagsimbag, “Ano po Kagurangnan?” Sinabihan siya kan anghel, “Ikinaogma nin Dios an saimong mga pamibi saka an mga paglimos mo.

Josue 4:7

sabihan nindo sinda na an tubig kan Jordan nag-ontok sa pagbulos kan magbalyo sa salog an Kaban nin Tipan nin Kagurangnan. An mga gapong iyan danay na magpapagiromdom sa mga Israelita kan nangyari digdi.”