Mga Bilang 31:16 - Marahay na Bareta Biblia

¹⁶ Giromdoma nindo na mga babae an nagkuruyog sa katukdoan ni Balaam dangan sa Peor, sinda an nagdagka sa mga Israelita tanganing talikodan an Kagurangnan. Ini an dahelan kun tadaw ta nagkaigwa nin peste sa banwaan nin Kagurangnan.

Mga Bilang 31:16 ပူးပေါင်းရင်းမြစ်များ

Mga Talinhaga 23:27

An maraot na babae garo litag na nakakagadan.

Parahulit 7:26

Nakua ko na orog na mapait ki sa kagadanan an babae, na an saiyang pagkamoot arog sa sarong siod asin sa sarong hikot; dangan an saiyang mga kamot na pangkugos arog sa mga kadena. An lalaki na nakakapawili sa Dios makakadulag saiya; alagad an parakasala madadakop niya.

Mga Bilang 24:14

Sinabihan ni Balaam si Balak, “Mabalik ako sa sadiri kong banwaan, alagad bago ako mahale, papatanidan taka kun ano an gigibohon kan banwaan nin Israel sa saimong banwaan sa maabot na aldaw.”

Mga Bilang 25:18

huli kan ginibo nindang karatan kan dayaon ninda kamo sa Peor, asin huli sa tugang nindang si Cozbi, na nagadan kan panahon nin peste sa Peor.”

Mga Bilang 31:8

kaiba an limang hade kan Midian na si Evi, Rekem, Zur, Hur, asin Reba. Ginadan man ninda si Balaam na aking lalaki ni Beor.

Deuteronomio 4:3

Nahiling nindo an ginibo nin Kagurangnan sa Bukid nin Peor. Ginadan niya an gabos na nagsamba ki Baal duman,

Josue 22:17

Giromdoma nindo an satong kasalan sa Peor, kan padusahan nin Kagurangnan an saiyang banwaan sa paagi nin sarong peste. Sagkod ngunyan nagtitios kita huli kaidto. Ano, kulang pa nanggad an kasalan na idto?

2 Pedro 2:15

Nagsuhay sinda sa tanos na dalan kaya nalagalag; sinunod ninda an dalan ni Balaam na aki ni Beor, na namoot sa kwarta na tandan sa paggibo nin maraot.

Judas 1:11

Herak man sainda! Huli ta inarog ninda si Cain; dahel sa kwarta, ginibo ninda an salang ginibo ni Balaam. Nagrebelde sinda arog ki Kora, kaya napahamak man sinda arog saiya.

Kapahayagan 2:14

Alagad igwa ako nin nagkapirang bagay na masasabi tumang saimo: may iba diyan saindo na nagsusunod sa katukdoan ni Balaam, na nagtukdo ki Balac na magbuktak nin singkogan para sa mga Israelita kan dagkahon sindang magkakan kan inatang sa mga dios-dios saka maggibo nin karigsokan.