Mga Bilang 30:13 - Marahay na Bareta Biblia

¹³ Igwa nin deretso an saiyang agom na magtugot o magpawara nin halaga sa ano man na panuga o sumpa na ginibo niya.

Mga Bilang 30:13 ပူးပေါင်းရင်းမြစ်များ

Esdras 8:21

Duman sa tampi kan Salog nin Ahava ipinagboot ko an pag-ayuno asin an pagpakumbaba sa atubang nin samuyang Dios, tanganing hagadon saiya na pangenotan kami sa samong pagbaklay asin iligtas kami, an samong mga aki asin an gabos nyamong pagsadiri.

Salmo 35:13

Alagad kan sinda naghelang, ako nagmondo; nagsakripisyo ako huli sa pag-ayuno; namibi na duko an sakuyang payo,

Isaias 58:5

Kun nag-aayuno kamo, pinapasakitan nindo an saindong mga hawak; idinuduko nindo an saindong payo siring sa sarong dahon nin doot, asin binibiklad nindo an sako dangan minahigda kamo sa abo. Aapodon daw nindong pag-aayuno an siring? Sa paghona nindo, mawiwili ako sa siring na gibo?

Levitico 16:29

An mga minasunod iyo an ootobon nindo sa gabos na panahon. Sa ikasampolong aldaw kan ikapitong bulan, an mga Israelita saka an mga dayuhan na nag-eerok sa kaibahan ninda kaipuhan na mag-ayuno asin dai magtrabaho.

Levitico 23:32

Kaya magpoon sa pagsolnop kan aldaw sa ikasiyam na aldaw kan bulan, sagkod sa pagsolnop kan aldaw sa ikasampolong aldaw, otobon nindo an Sabbath, asin dai kamo magkakan nin ano man.”

Mga Bilang 29:7

Sa ikasampolong aldaw kan ikapitong bulan magtiripon kamo sa pagsamba; mag-ayuno kamo saka dai magtrabaho.

Mga Bilang 30:12

Alagad kun dai magtugot an saiyang agom pakadangog kan panuga, mayo nin halaga an panuga saka sumpa kan babae. Papatawadon siya nin Kagurangnan huli ta dai nagtugot an saiyang agom.

Mga Bilang 30:14

Kun an lalaki dai magsalungat sa aldaw na madangog niya an panuga kan saiyang agom, kaipuhan otobon kan babae an gabos niyang ipinanuga o isinumpa. An panuga pinapahalagahan kan lalaki huli sa dai niya pagsalungat sa aldaw na madangog niya an panuga.

1 Corinto 11:3

Alagad boot kong masabotan nindo na sakop ni Cristo an lambang lalaki; sakop kan lalaki an agom niya, asin sakop nin Dios si Cristo.

1 Corinto 11:9

An babae linalang para sa lalaki; an lalaki dai linalang para sa babae.

1 Corinto 7:5

Dai nindo ipagsayuma an saindong hawak sa saindong agom, pwera sana kun nagkaoyon kamong duwa na dai ngona magdorog sa halipot na panahon, tanganing gamiton nindo an panahon na iyan sa pagpamibi. Pakatapos, ibalik nindo giraray an normal na relasyon bilang mag-agom, ta tibaad sogotan kamo ni Satanas huli sa dai nindo pakapugol sa sadiri.