Mga Bilang 3:8 - Marahay na Bareta Biblia

⁸ Sinda an mangangataman kan mga kagamitan sa Tabernakulo asin maotob kan mga katongdan para sa mga Israelita.

Mga Bilang 3:8 ပူးပေါင်းရင်းမြစ်များ

1 Mga Cronica 23:27

Sosog sa mga huring katukdoan ni David, an gabos na Levita itatalaan para sa paglingkod pag-abot ninda sa edad na beynte.

2 Mga Cronica 29:11

Mga aki ko, dai kamo magpabaya, huli ta kamo an pinili nin Kagurangnan na magtindog sa atubang niya, maglingkod saiya dangan magtutong nin insenso para saiya.”

Isaias 52:11

Maghale kamo sa Babilonia, kamo gabos na paradara kan kagamitan sa Templo! Dai kamo magdotdot kan ipinangalad na bagay; magpakabanal kamo asin maghale diyan.

Mga Bilang 10:17

Masunod an mga kamaganakan ni Gerson asin ni Merari na mga paradara kan Tabernakulo, pakatangkas kaiyan.

Mga Bilang 10:21

Masunod an mga Levitang kamaganakan ni Kohat na dara an mga sagradong bagay. Pag-abot ninda sa bagong kampo, napatindog na an Tabernakulo.

Mga Bilang 3:7

Gigibohon ninda an mga trabaho para sa Tabernakulo, para sa mga padi saka para sa bilog na komunidad.

Mga Bilang 3:9

An katongdan sana kan mga Levita iyo an maglingkod ki Aaron saka sa mga aki niya.

Mga Bilang 31:30

Hale sa kahirasan kan komunidad, kuahon mo an saro sa lambang singkwentang tawo, siring man sa baka, asno, karnero saka kanding. Itao nindo an mga iyan sa mga Levita na iyo an mga namamahala kan Tabernakulo nin Kagurangnan.”

Mga Bilang 4:15

Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.

Mga Bilang 4:28

Iyo ini an magigin katongdan kan kamaganakan ni Gerson sa Tabernakulo; gigibohon ninda iyan sa pamamahala ni Itamar na aking lalaki ni Aaron na padi.

Mga Bilang 4:33

Iyo ini an magigin katongdan kan kamaganakan ni Merari sa Tabernakulo; gigibohon ninda iyan sa pamamahala ni Itamar na aking lalaki ni Aaron na padi.