Mga Bilang 29:6 - Marahay na Bareta Biblia

⁶ Idolot nindo an mga iyan, laen pa kan tinutong na atang para sa enot na aldaw kan lambang bulan asin kan dolot na pagkakan, laen pa man kan aroaldaw na tinutong na atang saka dolot na pagkakan sagkod arak. An mga dolot na pagkakan na iyan, sarong parong na nakakawili sa Kagurangnan.

Mga Bilang 29:6 ပူးပေါင်းရင်းမြစ်များ

Esdras 3:4

Inotob ninda an Pyesta nin mga Harong-harong sosog sa pagsusundon, asin aroaldaw nagdolot sinda kan sakripisyo na kaipuhan idolot sa aroaldaw;

Levitico 6:9

na itao ki Aaron asin sa saiyang mga aking lalaki an minasunod na pagsusundon manongod sa tinutong na atang. Ibubugtak sa altar an tinutong na atang, asin an kalayo sa altar papabayaan na maglaad sa bilog na banggi.

Mga Bilang 15:24

kun an naginibong sala dai tinutuyo huli ta dai nin pakaisi an komunidad, an bilog na komunidad madolot nin sarong torilyong baka bilang sarong tinutong na atang na an parong nakakawili sa Kagurangnan, kaiba an maninigong dolot na pagkakan saka dolot na arak. Laen pa kaini, an komunidad madolot nin sarong lalaking kanding bilang dolot para sa kasalan.

Mga Bilang 15:4

An siisay man na magdara nin sarong kordero o sarong kanding bilang sarong tinutong na atang sa Kagurangnan, madara man nin sarong kilong arina na sinalakan nin sarong litrong lana nin oliba bilang dolot na pagkakan, asin sarong litrong arak.

Mga Bilang 28:27

Magdolot kamo nin tinutong na atang, sarong parong na nakakawili sa Kagurangnan: duwang torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Mga Bilang 29:18

Kaiba kan mga iyan, idolot nindo an gabos na dolot na hinahagad para sa enot na aldaw.

Mga Bilang 29:21

Kaiba kan mga iyan, idolot nindo an gabos na dolot na hinahagad para sa enot na aldaw.

Mga Bilang 29:5

Magdolot man kamo nin sarong lalaking kanding bilang dolot para sa kasalan, sa pagtubos saindo.

Mga Bilang 9:14

“Kun an sarong dayuhan na nakikihimanwa saindo boot magselebrar kan Paskwa, kaipuhan gibohon niya iyan sosog sa gabos na pagsusundon. An pagboot na ini para sa gabos, Israelita man o dayuhan.”