Mga Bilang 29:29 - Marahay na Bareta Biblia

²⁹ Sa ikaanom na aldaw, magdolot kamo nin walong torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

Mga Bilang 29:29 ပူးပေါင်းရင်းမြစ်များ

2 Mga Cronica 31:3

Hale sa mga hayop na pagsadiri kan hade, nagtao siya nin mga hayop na tututongon sa aldaw saka sa banggi, sa aldaw nin Sabbath, sa Pyesta nin Bagong Bulan, asin sa iba pang pyesta na hinahagad kan Katogonan nin Kagurangnan.

Ezekiel 45:17

Katongdan kan prinsipe na pagtao kan mga hayop na tututongon, kan mga dolot na pagkakan, saka kan dolot na inomon para sa bilog na nasyon nin Israel sa mga Pyesta kan Bagong Bulan, sa mga Sabbath, asin sa iba pang talaan na mga pyesta. Siya an matao kan mga dolot para sa kasalan, mga dolot na pagkakan, mga tinutong na atang saka an mga atang para sa katoninongan, tanganing mabayadan an mga kasalan kan banwaan nin Israel.”

Mga Bilang 29:30

Kaiba kan mga iyan, idolot nindo an gabos na dolot na hinahagad para sa enot na aldaw.