Mga Bilang 29:1 - Marahay na Bareta Biblia

¹ Sa enot na aldaw kan ikapitong bulan magtiripon kamo sa pagsamba asin dai kamo magtrabaho. Papatanogon an mga trompeta sa aldaw na iyan.

Mga Bilang 29:1 ပူးပေါင်းရင်းမြစ်များ

1 Mga Cronica 15:28

Sa siring na paagi, an Kaban nin Tipan dinara sa Jerusalem kan gabos na Israelita. Nagkurahaw sinda gabos sa kaogmahan, kasabay an tanog kan mga trompeta, asin kan mga gimbal, saka an makosog na musika kan mga arpa asin lira.

Esdras 3:6

Maski dai pa pinonan an paghirahay kan Templo, an mga tawo nagpoon nang magdolot nin mga tinutong na atang sa Kagurangnan kan enot na aldaw kan ikapitong bulan.

Nehemias 7:73

An mga padi, an mga Levita, an mga bantay sa Templo, an mga paratugtog, an mga trabahador sa Templo—an bilog na banwaan nin Israel—nag-erok sa mga banwa asin sa mga syudad nin Juda.

Nehemias 8:2

Kaya dinara ini ni Esdras duman sa lugar na pinagtiriponan kan mga tawo—mga lalaki, mga babae, saka mga aki na tatao nang magsabot.

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Salmo 89:15

Paladan an mga tawong nagsasamba saimo huli sa mga awit, na naglalakaw sa liwanag nin saimong lalawogon!

Exodo 23:16

“Selebraron nindo an Pyesta nin Pag-ani pagpoon kan saindong pag-ani kan mga bunga nin saindong kapagalan, nin saindong tinanom sa oma. “Sa kataposan kan taon selebraron nindo an Pyesta nin mga Harong-harong kun gunoon na nindo asin tiponon an mga bunga kan saindong ubasan, asin kan iba pang mga kahoy.

Exodo 34:22

“Selebraron nindo an Pyesta nin Mga Semana pagpoon kan saindong pag-ani kan enot na bunga nin trigo, asin sa kataposan kan taon, selebraron nindo an Pyesta nin mga Harong-harong.

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Levitico 23:23

Tinaraman nin Kagurangnan si Moises,

Levitico 23:7

Sa enot na aldaw magkakaigwa kamo nin banal na pagtiripon asin dai kamo magtrabaho kan dati nindong ginigibo sa aroaldaw.

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.

Mga Bilang 28:26

Sa enot na aldaw kan Pyesta nin Pag-ani, pagdara nindo sa Kagurangnan kan dolot na bagong trigo, magtiripon kamo sa pagsamba asin dai kamo magtrabaho.

Mga Bilang 29:12

Sa ikakinseng aldaw kan ikapitong bulan magtiripon kamo sa pagsamba. Selebraron nindo an pyestang iyan para sa Kagurangnan sa laog nin pitong aldaw asin dai kamo magtrabaho.

Mga Bilang 29:2

Magdolot kamo nin tinutong na atang, sarong parong na nakakawili sa Kagurangnan: sarong torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Mga Bilang 29:35

Sa ikawalong aldaw, magtiripon kamo sa pagsamba asin dai kamo magtrabaho.