Mga Bilang 28:31 - Marahay na Bareta Biblia

³¹ Idolot nindo an mga iyan saka an dolot na arak laen pa kan aroaldaw na tinutong na atang asin kan dolot na pagkakan.

Mga Bilang 28:31 ပူးပေါင်းရင်းမြစ်များ

2 Mga Cronica 35:12

Dangan an mga hayop para sa tinutong na atang binaranga ninda sa mga tawo, sosog sa saindang mga pamilya, tanganing idolot sa Kagurangnan, sosog sa nasusurat sa libro ni Moises.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Mga Bilang 28:19

Magdolot kamo sa Kagurangnan nin sarong tinutong na atang bilang dolot na pagkakan: duwang torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Mga Bilang 28:3

Iyo ini an mga dolot na pagkakan na idodolot sa Kagurangnan aroaldaw: para sa tinutong na atang, duwang lalaking kordero na manangtaon an edad, na gabos mayo nin ano man na kaninan.

Mga Bilang 28:30

Magdolot man kamo nin sarong lalaking kanding bilang dolot para sa kasalan, asin sa paaging ini ginigibo nindo an seremonya nin paglinig para sa mga tawo.