Mga Bilang 28:11 - Marahay na Bareta Biblia

¹¹ Sa pagpoon kan lambang bulan, magdolot kamo sa Kagurangnan nin tinutong na atang: duwang torilyong baka, sarong lalaking karnero, pitong lalaking kordero na manangtaon an edad, na gabos mayo nin ano man na kaninan.

Mga Bilang 28:11 ပူးပေါင်းရင်းမြစ်များ

2 Mga Hade 4:23

“Tadaw ta kaipuhan magduman ka ngunyan?” an hapot kan saiyang agom. “Bako man Sabbath o Pyesta kan Bagong Bulan.” “Bayae sana,” an simbag kan babae.

1 Mga Cronica 23:31

siring man kun igwang mga dolot na tinutong na atang sa Kagurangnan kun mga Sabbath, mga Bagong Bulan saka mga aldaw nin pyesta, sosog sa talaan na bilang kan mga Levita na hinahagad kan lambang gawe nin pagsamba sa Kagurangnan sa gabos na panahon.

2 Mga Cronica 2:3

Nagpadara nin mensahe si Solomon ki Hiram na hade nin Tiro, “Pabakalan mo man ako nin mga kahoy na sedro siring na pinabakalan mo kaiyan an sakong ama na si David para sa saiyang palasyo.

2 Mga Cronica 2:4

Mapatugdok ako nin templo para sa ngaran kan Kagurangnan na sakuyang Dios; kokonsagrahon ko iyan saiya tanganing pagtutongan nin insenso nin mga pahamot sa atubang niya, asin danay na pagdolotan kan mga dolot na tinapay saka mga tinutong na atang aga-aga asin barubanggi, siring man kun mga Sabbath, mga Pyesta kan Bagong Bulan asin mga talaan na pyesta nin Kagurangnan na samuyang Dios. Ipinagboot nin Kagurangnan na gibohon ini nin Israel sagkod lamang.

2 Mga Cronica 8:13

Nagdolot siya siring kan hinahagad kan mga Togon ni Moises manongod sa mga atang kun mga banal na aldaw arog kan Sabbath, Bagong Bulan asin an tolong taon-taon na mga Pyesta—an Pyesta kan Tinapay na Mayo nin Lebadura, an Pyesta nin Pag-ani saka an Pyesta nin mga Harong-harong.

Esdras 3:5

siring man an mga tinutong na atang, an mga dolot sa Pyesta nin Bagong Bulan asin sa iba pang itinalaan na pyesta nin Kagurangnan, dangan an boluntad na mga dolot sa Kagurangnan.

Nehemias 10:33

Para sa pagsamba sa Templo, matao kami kan mga minasunod: kan sagradong tinapay, kan dolot na pagkakan sa aroaldaw, kan mga hayop na tututongon sa aroaldaw, kan mga banal na dolot para sa aldaw na Sabbath, Pyesta kan Bagong Bulan, asin iba pang mga pyesta, kan iba pang banal na mga atang, kan mga dolot para sa kapatawadan kan mga kasalan nin Israel, asin iba pang mga kaipuhan sa Templo.

Salmo 40:6

Mga sakripisyo saka atang dai mo minamawot; alagad ako tinatawan mo nin pakadangog. Dai mo hinahagad an tinutong na atang, ni an dolot para sa kasalan.

Salmo 40:8

O Dios ko, naoogma ako sa pag-otob kan kabotan mo; an saimong togon rimpos ko sa sakuyang puso.”

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Salmo 81:4

Iyo ini an pagsusundon sa Israel, sarong kabotan hale sa Dios ni Jacob.

Isaias 66:23

Sa lambang Pyesta kan Bagong Bulan saka Sabbath, masaramba sa sako digdi sa Jerusalem an lambang nasyon,” an sabi kan Kagurangnan.

Ezekiel 46:1

Ini an itinataram nin Kagurangnan Dios, “An trangkahan kan patyong nasa laog na atubang sa sirangan kaipuhan serado sa laog kan anom na aldaw nin pagtrabaho, alagad kaipuhan bukas iyan sa aldaw nin Sabbath asin sa Pyesta kan Bagong Bulan.

Ezekiel 46:6

Kun Pyesta kan Bagong Bulan, madolot siya nin sarong torilyong baka, anom na kordero asin sarong lalaking karnero na gabos mayo nin kaninan.

Ezekiel 46:7

Kaiba kan lambang torilyong baka saka lalaking karnero, madolot siya nin dyes y syeteng litrong dolot na pagkakan asin kan anomam na boot niyang itao. Kaiba kan lambang dolot na pagkakan, siya matao man nin tolong litrong lana nin oliba.

Oseas 2:11

Tataposon ko na an saiyang kaogmahan—an saiyang taon-taon saka bulan-bulan na mga pyesta asin an saiyang mga Sabbath—an gabos niyang itinalaan na mga pyesta.

Levitico 1:13

Huhugasan kan kagdolot an bituka asin an nasa hurihan na mga bitis kan hayop, dangan idodolot kan padi an bilog na atang; tututongon niya iyan gabos sa altar. An parong kaiyan nawiwilihan nin Kagurangnan.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

Amos 3:5

Nadadakop daw an sarong gamgam sa sarong litag kun ini dai pinaonan? Minagubtik daw an litag kun mayo nin nakapagubtik kaiyan?

Amos 8:5

Nagsasaboot kamo, “Dai mi na mahahalat na matapos pa an mga banal na aldaw tanganing ipabakal an samong trigo. Nuarin kaya matatapos an Sabbath tanganing makatinda na kami? Dangan, lalangkawan mi an presyo kan samong paninda, magamit kami nin may dayang sukol saka dadayaon mi sa timbang an mga parabakal.

Mga Bilang 10:10

Siring man sa aldaw nin kaogmahan, sa itinalaan na mga pyesta asin sa enot na aldaw kan lambang bulan, papatanogon nindo an mga trompeta kun idodolot na nindo an saindong mga tinutong na atang asin an saindong dolot para sa katoninongan. Dangan tatabangan ko kamo. Ako an Kagurangnan na saindong Dios.”

Mga Bilang 28:19

Magdolot kamo sa Kagurangnan nin sarong tinutong na atang bilang dolot na pagkakan: duwang torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Galacia 4:10

Tinatawan pa giraray nindo nin halaga an ibang mga aldaw, mga bulan, mga panahon, saka mga taon.

Colosas 2:16

Kaya dai nindo pagtugotan an siisay man na hukoman kamo dapit sa saindong kinakakan o iniinom, o dapit sa mga pyesta, o pagselebrar kan bagong bulan, o kan Sabbath.

Colosas 2:6

Inako na nindo si Cristo Jesus bilang Kagurangnan nindo, kaya mamuhay kamo sa pakisumaro saiya.

1 Samuel 20:5

Nagsimbag si David, “Pyesta kan Gimata nin Bulan sa aga asin dapat kaiba ako kan hade sa pagkakan. Alagad kun itutugot mo, malakaw ako asin matago sa kaomahan sagkod na magbanggi kan ikatolong aldaw.

1 Samuel 9:12

Nagsimbag an mga babae, “Yaon siya. An totoo, nasa enotan sana nindo siya asin kun maghidali kamo, maaabotan pa nindo. Pakalaog nindo sa banwa, makukua na nindo siya. Minaabot pa sana siya huli ta madolot an mga tawo nin atang sa altar sa itaas kan bulod. Dai makakan an mga tawong inalok sagkod na dai pa siya nag-abot duman, huli ta kaipuhan bendisyonan ngona niya an atang. Kun magduman na kamo ngunyan, maaabotan nindo siya bago siya magtukad sa bulod tanganing magkakan.”