Mga Bilang 27:21 - Marahay na Bareta Biblia

²¹ Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Mga Bilang 27:21 ပူးပေါင်းရင်းမြစ်များ

2 Samuel 21:1

Kan naghahade na si David, nagkaigwa nin makuring gutom sa laog nin tolong taon. Kaya hinapot ni David an Kagurangnan manongod sa bagay na ini. Nagtaram an Kagurangnan, “Nagkasala nin panggagadan si Saul asin an saiyang pamilya; ginadan niya an mga taga Gibeon.”

Esdras 2:63

Sinabihan sinda kan gobernador na Judio na dai sinda pwedeng magkakan kan idinolot sa Dios sagkod na mayo nin padi na pwedeng maggamit kan Urim asin Tummim.

Nehemias 7:65

Sinabihan sinda kan gobernador na dai sinda pwedeng magkakan kan dolot sa Dios sagkod na mayo nin padi na tataong maggamit kan Urim asin Tummim.

Exodo 28:30

Ilaog nindo sa pantahob sa daghan an Urim asin Tummim tanganing mamugtak sa daghan ni Aaron kun minadolok siya sa atubangan ko. Kaya danay na isusulot ni Aaron an pantahob sa daghan tanganing maaraman niya an sakong kabotan para sa banwaan nin Israel.

Levitico 8:8

Sunod niyang isinulot saiya an pantahob sa daghan dangan ibinugtak niya duman an Urim asin Tummim.

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Mga Bilang 27:17

asin magboot sainda sa panahon nin gera, tanganing an saimong komunidad dai makaarog sa karnero na mayo nin pastor.”

Mga Bilang 27:2

Nagdolok sinda ki Moises, sa pading si Eleazar, sa mga lider sagkod sa bilog na komunidad duman sa may pintoan kan Tabernakulo, asin nagsabi,

Mga Bilang 27:20

Itao mo saiya an iba mong kapangyarihan tanganing magkuyog saiya an bilog na komunidad nin Israel.

Mga Bilang 27:22

Ginibo ni Moises an ipinagboot saiya nin Kagurangnan. Pinatindog niya si Josue sa atubangan kan pading si Eleazar asin kan bilog na komunidad;

Mga Bilang 27:5

Dinara ni Moises an saindang kaso sa Kagurangnan.

Deuteronomio 31:3

An Kagurangnan na saindong Dios mismo an mangengenot saindo asin matunaw kan mga nasyon na nag-eerok duman tanganing masadirihan nindo an saindang daga. Sosog sa itinaram nin Kagurangnan, si Josue an magigin lider nindo.

Deuteronomio 33:8

Nagsabi si Moises manongod ki Levi: “Ipinapahayag mo ki Levi an saimong kabotan sa paagi kan Urim asin Tummim. Binalo mo siya duman sa Massa; saiyang kaimbodan nahiling mo sa katubigan nin Meriba.

Josue 9:14

Inako kan mga kamagurangan an pagkakan ninda, alagad dai ngona nakihumapot sa Kagurangnan.

Hukom 1:1

Pakagadan ni Josue, hinapot an Kagurangnan kan banwaan nin Israel, “Arin sa mga tribu an enot na masalakay sa mga Cananeo?”

Hukom 20:18

Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”

1 Samuel 14:19

Mantang kinakaolay ni Saul an padi, orog na nagdakula an kariribokan sa kampo kan mga Filisteo, kaya sinabihan ni Saul an padi, “Mayo nang panahon tanganing aramon an kabotan nin Kagurangnan!”

1 Samuel 23:9

Kan maaraman ni David na nagpaplanong salakayon siya ni Saul, sinabihan niya an pading si Abiatar, “Daraha digdi an efod.”

1 Samuel 28:6

kaya naghapot sa Kagurangnan kun ano an dapat niyang gibohon. Alagad dai siya sinimbag nin Kagurangnan, maski sa paagi nin pangatorogan o sa Urim saka Tummim o sa mga propeta.

1 Samuel 30:7

Sinabihan ni David an padi na si Abiatar, na aking lalaki ni Ahimelec, “Daraha sako an efod.” Kaya dinara ni Abiatar saiya an efod.