Mga Bilang 27:18 - Marahay na Bareta Biblia

¹⁸ Nagtaram an Kagurangnan ki Moises, “Kuaha si Josue na aking lalaki ni Nun, sarong lalaki na igwa kan espiritu, asin iduta mo an saimong mga kamot sa saiyang payo.

Mga Bilang 27:18 ပူးပေါင်းရင်းမြစ်များ

Genesis 41:38

kaya sinabihan niya sinda, “Makakakua pa daw kita nin arog ki Jose, na igwa kan espiritu nin Dios?”

1 Mga Cronica 7:27

Nun, asin Josue.

Exodo 17:9

Sinabihan ni Moises si Josue, “Magpili ka nin mga lalaki asin labanan nindo an mga Amalekita. Sa aga, matindog ako sa ibabaw kan bulod na kapot an sugkod nin Dios.”

Daniel 5:14

Nadangog kong nasa saimo an espiritu kan banal na mga dios, sa saimo makukua an liwanag, pakasabot saka an nalalaen na kadonongan.

Mga Bilang 11:17

Mahilig ako dangan makikiolay saimo duman. Kukuahon ko an ibang espiritu na itinao ko saimo asin itatao ko sainda tanganing makatabang sinda sa pag-otob mo sa saimong katongdan para sa mga tawong ini; dangan dai ka na magsosolo sa pag-otob kaiyan.

Mga Bilang 13:16

Sinda an mga espiya na ipinadara ni Moises tanganing magsiyasat kan daga. An ngaran ni Oseas na aki ni Nun rinibayan niya nin Josue.

Mga Bilang 27:23

idinuta niya an saiyang mga kamot sa payo ni Josue asin itinalaga siya bilang saiyang kasalihid sosog sa pagboot nin Kagurangnan.

Juan 3:34

Huli ta an sinugo nin Dios nagtataram kan mga tataramon nin Dios; dai sinusukol an pagtao nin Dios kan saiyang Espiritu.

Mga Gibo 13:3

Pakaayuno saka pakapamibi, idinuta ninda an saindang mga kamot ki Bernabe asin ki Saulo dangan dinespedir ninda an mga ini.

Mga Gibo 19:6

Idinuta ni Pablo an saiyang mga kamot sainda, asin naghilig sainda an Espiritu Santo. Nagtaram sinda sa manlaen-laen na lengwahe saka nagrukyaw kan tataramon nin Dios.

Mga Gibo 6:3

Kaya, mga tugang, pumili kamo nin pitong lalaking marahay an dangog, pano kan Espiritu Santo asin nin kadonongan; sinda an papamahalaon ta kan bagay na ini,

Mga Gibo 6:6

Dinara sinda sa atubangan kan mga apostol; ipinamibi sinda kan mga apostol saka dinutaan kan saindang mga kamot.

Deuteronomio 1:37

Huli saindo, naanggot man sako an Kagurangnan asin nagtaram, ‘Maski ika, Moises, dai makakaabot duman.

Deuteronomio 3:21

“Dangan sinabihan ko si Josue: ‘Nahiling mo an ginibo nin Kagurangnan na saimong Dios sa duwang hadeng si Sihon asin si Og; arog man kaiyan an saiyang gigibohon sa kiisay man na kagsadiri kan daga na saimong sasalakayon.

Deuteronomio 3:28

Itukdo mo ki Josue an gigibohon niya asin pakosogon mo an saiyang boot, huli ta siya an mangengenot sa mga tawo sa pagsakop kan daga na saimong mahihiling.’

Deuteronomio 31:14

Dangan tinaraman nin Kagurangnan si Moises, “Madali ka nang magadan. Apodon mo si Josue asin darahon mo siya sa Tabernakulo tanganing sakuyang sugoon.” Naglaog sa Tabernakulo si Moises saka si Josue,

Deuteronomio 31:23

Dangan sinugo nin Kagurangnan si Josue, na aki ni Nun, asin tinaraman, “Magmaisog ka asin pakosoga an saimong boot. Papangenotan mo an banwaan nin Israel pasiring sa daga na ipinanuga ko sainda, asin iibahan taka.”

Deuteronomio 31:3

An Kagurangnan na saindong Dios mismo an mangengenot saindo asin matunaw kan mga nasyon na nag-eerok duman tanganing masadirihan nindo an saindang daga. Sosog sa itinaram nin Kagurangnan, si Josue an magigin lider nindo.

Deuteronomio 34:9

Napano nin kadonongan si Josue na aki ni Nun, huli ta siya an pinili ni Moises na magsalihid saiya. Nagkuyog ki Josue an banwaan nin Israel, asin nagsunod kan mga pagboot nin Kagurangnan na itinao sainda huli ki Moises.

1 Timoteo 4:14

Dai mo pagpabayaan an balaog na yaon saimo, na itinao saimo kan magtaram an mga propeta asin kan idoon saimo kan mga kamagurangan an saindang mga kamot.

1 Timoteo 5:22

Dai ka magmadali sa pagdoon nin kamot sa pagkonsagra sa kiisay man sa trabaho nin Kagurangnan. Dai ka magpadamay sa kasalan kan iba, kundi magdanay kang malinig.

Hebreyo 6:2

dapit sa mga katukdoan manongod sa pagbunyag, sa pagdoon nin kamot sa mga paratubod, sa pagkabuhay liwat kan mga gadan, asin sa daing kataposan na paghukom.

Josue 1:17

Kukuyogon mi ika siring na kinuyog nyamo si Moises, asin ibahan ka logod nin Kagurangnan na saimong Dios siring na inibahan niya si Moises!

Hukom 11:29

Dangan uminabot ki Jefta an Espiritu nin Kagurangnan. Naglibot si Jefta sa Gilead asin sa Manases dangan nagbalik sa Mizpa sa Gilead asin nagpadagos sa Ammon.

Hukom 3:10

Uminabot saiya an Espiritu nin Kagurangnan, asin siya an nagin lider nin Israel. Nakigera siya asin pinapanggana nin Kagurangnan laban sa hade nin Mesopotamia.

1 Samuel 16:18

Nagsabi an saro kan saiyang mga katabang, “Nahiling kong marahay magtugtog an sarong aking lalaki ni Jesse na taga Betlehem. Saro man siyang maisog asin gwapong lalaki, sarong marahay na soldados, asin marahay magtaram. Yaon saiya an Kagurangnan.”