Mga Bilang 26:65 - Marahay na Bareta Biblia

⁶⁵ Nagtaram an Kagurangnan na sinda gabos magagadan sa kalangtadan, asin nagadan mananggad sinda pwera ki Caleb na aking lalaki ni Jefunne, asin ki Josue na aking lalaki ni Nun.

Mga Bilang 26:65 ပူးပေါင်းရင်းမြစ်များ

Salmo 37:9

An daga masasadirihan kan mga nagsasarig sa Kagurangnan; alagad an mga maraot papahaleon duman.

Exodo 12:37

Naglakaw an mga Israelita hale sa Rameses pasiring sa Sukkot. Maabot sa seis syentos mil an kalalakihan, dai pa kabilang an mga babae saka mga aki.

Mga Bilang 14:26

Tinaraman nin Kagurangnan si Moises asin si Aaron,

Mga Bilang 14:32

Digdi kamo magagadan sa kalangtadan.

Mga Bilang 14:35

Minasumpa ako na gigibohon ko ini saindo, kamong mga maraot na tawo na nagkasararo tumang sako. An lambang saro saindo magagadan sa kalangtadan na ini. Ako, an Kagurangnan, an nagtaram.’”

Mga Bilang 14:38

An dai sana nagadan sa doseng espiya iyo si Josue saka si Caleb.

Mga Bilang 27:3

“Nagadan sa kalangtadan an samong ama na mayo nin aking lalaki. Dai siya kaiba sa mga parasunod ni Kora na nagrebelde tumang sa Kagurangnan; nagadan siya huli sa sadiring kasalan.

Mga Bilang 34:19

Iyo ini an mga lalaking pinili nin Kagurangnan: Tribu Lider Juda si Caleb na aking lalaki ni Jefunne Simeon si Selumiel na aking lalaki ni Ammihud Benjamin si Elidad na aking lalaki ni Kislon Dan si Bukki na aking lalaki ni Jogli Manases si Hanniel na aking lalaki ni Efod Efraim si Kemuel na aking lalaki ni Siftan Zabulon si Elizafan na aking lalaki ni Parnac Issakar si Paltiel na aking lalaki ni Azzan Aser si Ahihud na aking lalaki ni Selomi Neftali si Pedahel na aking lalaki ni Ammihud.

Roma 11:22

Diyan ta mahihiling kun gurano kaboot asin kaisog an Dios. Maisog siya sa mga nagkakasala, alagad maboot saimo—kun magdanay ka sa saiyang pagkamaboot. Kun dai, puputolon ka man.

Deuteronomio 1:36

Si Caleb na aki ni Jefunne, iyo sana an makakalaog duman. Nagmaimbod siya sako, kaya itatao ko saiya asin sa mga kapagarakian niya an daga na saiyang linakawan!’

Josue 5:4

Kan maghale sa Egipto an mga Israelita, an gabos na lalaki sinerkomsisyon na. Alagad sa laog kan kwarentang taon na paglakaw sa kalangtadan kan mga tawo, mayo nin sinerkomsisyon sa namundag na aking lalaki. Siring man, kan matapos na an panahon na iyan, nagkagaradan an gabos na lalaking paralaban na naghale sa Egipto, huli ta sinuhay ninda an Kagurangnan. Siring sa isinumpa nin Kagurangnan, dai sinda tinugotan na makahiling kan daga na mayaman sa gabos na bagay, daga na ipinanuga niya sa saindang mga ginikanan.

Judas 1:5

Maski aram na nindo an gabos na ini, boot kong ipagiromdom saindo kun paanong ilinigtas kan Kagurangnan an mga Israelita sa daga nin Egipto, dangan ginaradan an mga dai nagtubod saiya.