Mga Bilang 26:10 - Marahay na Bareta Biblia

¹⁰ Nagbuka an daga dangan hinalon sinda. Nagadan sinda kaiba si Kora asin an mga kairiba niya kan masulo an dos syentos singkwentang kalalakihan; sinda nagin sarong patanid para sa mga tawo.

Mga Bilang 26:10 ပူးပေါင်းရင်းမြစ်များ

Exodo 16:35

Sa laog nin kwarentang taon, manna an kinakan kan mga Israelita sagkod na nakaabot sinda sa daga nin Canaan. (

Jeremias 29:22

Kun boot kan mga itinapok sa Babilonia hale sa Jerusalem na maldisyonon an sarong tawo, masabi sinda, ‘Iarog ka logod nin Kagurangnan ki Zedekias saka ki Ahab, na buhay na isinugba sa kalayo kan hade nin Babilonia!’

Ezekiel 14:8

Kakalabanon ko siya asin gigibohon kong sarong tanda asin ngingisihan. Hahaleon ko siya sa katiriponan nin sakuyang banwaan, tanganing maaraman nindo na ako an Kagurangnan.

Mga Bilang 16:38

Nagin banal an mga ini kan idolot sa altar nin Kagurangnan. An mga insensaryo kan mga lalaking ini na ginadan huli ta nagkasala, pulpogon mo asin gibohon na mga mahimpis na pantahob sa altar. Ini magigin sarong tanda para sa mga Israelita.”

Mga Bilang 17:3

dangan isurat mo an ngaran ni Aaron sa sugkod kan tribu ni Levi. An lambang lider kan tribu magkakaigwa nin sarong sugkod.

Mga Bilang 27:3

“Nagadan sa kalangtadan an samong ama na mayo nin aking lalaki. Dai siya kaiba sa mga parasunod ni Kora na nagrebelde tumang sa Kagurangnan; nagadan siya huli sa sadiring kasalan.

Deuteronomio 11:6

Giromdoma nindo an ginibo niya ki Datan asin ki Abiram, an mga aking lalaki ni Eliab kan tribu ni Ruben; sa atubang kan gabos, buminuka an daga asin hinalon sinda gabos kaiba an saindang mga pamilya, mga tolda, mga oripon sagkod mga hayop.

Deuteronomio 28:46

An mga padusang ini an magigin tanda kan paghukom nin Dios sa saindo asin sa saindong kapagarakian sagkod lamang.

2 Pedro 2:6

Pinadusahan man nin Dios na magin abo an mga syudad nin Sodoma saka Gomorra nganing ipahiling an mangyayari ngapit sa mga tawong maraot.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.

1 Samuel 2:34

Sa oras na magadan sa parehong aldaw an mga aki mong lalaki na si Hofni saka si Finehas, iyan an tanda para saimo na magkakatotoo an gabos na itinaram ko.