Mga Bilang 25:13 - Marahay na Bareta Biblia

¹³ An pagkapadi magdadanay saiya asin sa saiyang kapagarakian huli ta ipinahiling niya an saiyang kaimbodan sa saiyang Dios, asin binayadan niya an kasalan kan mga tawo.”

Mga Bilang 25:13 ပူးပေါင်းရင်းမြစ်များ

2 Samuel 21:3

Kaya inapod ni David an mga taga Gibeon asin sinabihan, “Ano an magigibo ko para saindo? Boot kong mabayadan an karatan na ginibo saindo, tanganing mabendisyonan nindo an banwaan nin Kagurangnan.”

1 Mga Hade 19:10

Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 19:14

Nagsimbag siya, “Dakula an pagmakulog ko para saimo, Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 2:27

Kaya hinale ni Solomon si Abiatar sa paglingkod bilang sarong padi nin Kagurangnan. Huli kaini, nagkatotoo an itinaram nin Kagurangnan duman sa Shilo manongod sa padi na si Eli asin sa saiyang mga kapagarakian.

Nehemias 13:29

Giromdoma, Dios ko, kun paano dinigtaan kan mga tawong idto an katongdan nin pagkapadi asin an tipan na ginibo mo sa mga padi saka sa mga Levita.

Salmo 106:31

Nabantog siya huli kan saiyang katanosan, poon kaidto asin sagkod pa man.

Salmo 119:139

An sakong kaanggotan naglalaad siring sa kalayo, huli ta linilingawan nin sakong mga kaiwal an saimong mga tataramon.

Salmo 69:9

An pagkamoot ko sa saimong Templo minalaad siring sa kalayo; an mga pagduhagi saimo minahugpa sako.

Exodo 29:9

hagkosan mo an saindang habayan dangan bugtakan mo nin turban an saindang payo. Iyan an gigibohon mo sa pagkonsagra ki Aaron asin kan saiyang mga aki. Sinda asin an saindang mga kapagarakian an maglilingkod sako bilang padi sagkod pa man.

Exodo 32:30

Sunod na aldaw sinabihan ni Moises an mga tawo, “Nagkasala kamo nin makuri. Alagad matukad ako ngunyan sa bukid pasiring sa Kagurangnan; tibaad ikahagad ko kamo saiya nin tawad para sa saindong kasalan.”

Exodo 40:15

dangan lahidan mo nin lana, arog kan ginibo mo sa saindang ama, tanganing maglingkod sinda sako bilang mga padi. An banal na paglahid na ini iyo an makonsagra sainda sa daing kataposan na pagpadi sa gabos na henerasyon.”

Isaias 61:6

Mimidbidon kamo bilang mga padi kan Kagurangnan, an mga sorogoon kan satong Dios. Magkikinabang kamo sa kayamanan kan mga nasyon asin mag-oorgulyo na iyan sadiri nindo.

Jeremias 33:18

asin danay na magkakaigwa nin mga padi hale sa tribu ni Levi tanganing maglingkod sako saka magdolot nin mga tinutong na atang, nin mga dolot na pagkakan, saka nin mga sakripisyo.”

Jeremias 33:22

Papadakulon ko an mga kapagarakian ni David na sakong sorogoon saka an mga Levita arog sa dai mabilang na mga bitoon asin sa dai mabilang na baybay kan dagat.”

Levitico 15:15

An saro kaiyan idodolot kan padi bilang dolot para sa kasalan asin an saro bilang tinutong na atang. Sa paaging iyan gigibohon kan padi an seremonya nin paglinig para sa nasabing lalaki.

Malakias 2:8

“Alagad ngunyan, kamong mga padi, nagsuhay kamo sa tamang dalan; an saindong katukdoan iyo an dahelan kan pagkasingkog nin dakul na tawo. Linapas nindo an tipan na ginibo ko saindo.

Mga Bilang 16:46

dangan nagsabi si Moises ki Aaron, “Kuahon mo an saimong insensaryo, bugtakan mo kan baga sa altar, asin bugtakan mo nin insenso an baga. Daraha an insensaryo pasiring sa mga tawo asin gibohon mo an seremonya nin paglinig para sainda. Maghidali ka! Anggot na an Kagurangnan asin nagpoon na an peste.”

Mga Bilang 16:47

Kaya siring sa sinabi ni Moises, kinua ni Aaron an saiyang insensaryo asin duminalagan pasiring sa tahaw kan mga tawo. Kan nahiling niyang nagpoon na an peste, ibinugtak niya sa baga an insenso asin ginibo niya an seremonya nin paglinig sa banwaan.

Mga Bilang 17:12

Nagsabi ki Moises an banwaan nin Israel, “Iyo ini an kataposan nyamo!

Mga Bilang 25:14

An Israelitang ginadan kaiba an babaeng Midianita iyo si Zimri na aking lalaki ni Salu. Pamayo siya nin sarong pamilya sa tribu ni Simeon.

Juan 2:17

Naromdoman kan mga disipulo niya an nasasabi sa kasuratan, “O Dios, an pagmakulog ko para sa saimong harong naglalaad siring sa kalayo.”

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.

Hebreyo 7:11

Kun an kapanoan kan Katogonan nakamtan sa paagi kan pagkapadi ni Levi (huli ta sa lindong kaini, inako kan mga Israelita an Katogonan), tano ta kaipuhan pa an sarong padi na gikan sa orden ni Melkisedek embes na sarong padi na gikan sa orden ni Aaron?

Josue 7:12

Ini an dahelan kun tano ta dai kaya kan mga Israelita na atubangon an mga kaiwal. Nagdulag sinda sa mga kaiwal huli ta kabilang sinda ngunyan sa mga susuloon! Dai ko na kamo iibahan sagkod na dai nindo tinunaw an mga bagay na sinabi kong dai nindo pagkuahon!

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

1 Juan 2:2

Si Cristo an kabayadan para sa satong mga kasalan, bako sanang an satong mga kasalan kundi an kasalan kan gabos na tawo.

Kapahayagan 1:6

Ginibo niya kitang kahadean nin mga padi na maglilingkod sa saiyang Dios asin Ama. Ki Jesu-Cristo an kamurawayan saka an kapangyarihan sagkod pa man! Amen.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.