Mga Bilang 25:11 - Marahay na Bareta Biblia

¹¹ “Huli kan ginibo ni Finehas, dai na ako anggot sa banwaan nin Israel. Dai siya nagtugot na pagsambahon an ibang dios kundi ako sana, kaya dai ko sinda inubos sa sakuyang kaanggotan.

Mga Bilang 25:11 ပူးပေါင်းရင်းမြစ်များ

2 Samuel 21:14

Dangan ilinubong ninda an mga tolang ni Saul asin ni Jonatan sa Zela sa daga ni Benjamin, sa lulubngan ni Kis na ama ni Saul; ginibo ninda an gabos na ipinagboot kan hade. Pakatapos kaini, sinimbag nin Dios an saindang mga pamibi para sa nasyon.

1 Mga Hade 14:22

Nagkasala an banwaan nin Juda tumang sa Kagurangnan, asin orog an saindang ginibong kasalan na nagpaanggot sa Kagurangnan ki sa mga ginibo kan gabos nindang ginikanan.

Salmo 106:23

Kan siya magtaram na tutunawon niya an saiyang banwaan, si Moises na saiyang pinili nagtindog sa saiyang atubang, nakimaherak na dai sinda tunawon kan saiyang kaanggotan.

Salmo 106:30

Nagtindog si Finehas saka nakimaherak, kaya naontok an mangirhat na helang.

Salmo 106:31

Nabantog siya huli kan saiyang katanosan, poon kaidto asin sagkod pa man.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Exodo 22:5

“Kun an sarong tawo magpasabsab kan saiyang mga hayop sa sarong oma o ubasan o kun binutasan niya an saiyang mga hayop asin nanabsab ini sa oma kan iba, an ano man na naraot sa oma babayadan kan kagsadiri kan hayop; ibabayad niya an pinakamarahay na produkto hale sa saiyang oma o ubasan.

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Ezekiel 16:38

Kokondenaron taka huli kan pakidorog mo sa bako mong agom asin huli kan saimong panggagadan. Dangan sa sakong kaanggotan asin pag-imon, papadusahan taka nin kagadanan.

Nahum 1:2

Habo an Kagurangnan Dios nin mga karibal; pinapadusahan niya an mga tawong minasalungat saiya. Sa saiyang kaanggotan, binabalos niya sinda.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Sofonias 3:8

Nagtataram an Kagurangnan, “Halaton nindo ako.” Halaton nindo an aldaw nin pagtindog ko tanganing iakusar an mga nasyon. Huli ta nagdesisyon na akong tiponon an mga nasyon asin mga kahadean tanganing ipamate sainda an init kan sakuyang kaanggotan. An bilog na daga tutunawon kan kalayo nin labi-labi kong kaanggotan.

Mga Bilang 25:10

Nagtaram an Kagurangnan ki Moises,

Juan 3:36

An nagtutubod sa Aki may buhay na daing kataposan; alagad an dai nagtutubod sa Aki dai magkakamit nin buhay, kundi mapapasaiya an padusa nin Dios.

1 Corinto 10:22

O tibaad boot nyatong mag-imon an Kagurangnan? Mas makosog daw kita saiya?

2 Corinto 11:2

Arog sa Dios, maimon ako para saindo. Kamo garo daragang birhen na ipinanuga kong ipakasal sa saro sanang lalaki, na iyo si Cristo.

Deuteronomio 29:20

An siring na tawo dai nanggad papatawadon nin Kagurangnan; maglalaad laban sa saiya an bilog na kaanggotan saka pagkamaimon nin Kagurangnan, asin mapapasaiya an gabos na maldisyon na nasusurat sa librong ini, sagkod na mapara an saiyang ngaran sa ibabaw nin daga.

Deuteronomio 32:16

Pinapag-imon ninda an Kagurangnan kan saindang pagsamba sa mga dios-dios; pinaanggot siya ninda kan saindang marigsok na mga gibo.

Deuteronomio 32:21

Pinaimon ninda ako kan saindang mga dios-dios, pinaanggot kan inaapod nindang mga dios-dios. Kaya papaimonon ko sinda asin papaanggoton, huli sa sarong lolong na nasyon.

Deuteronomio 4:24

huli ta an Kagurangnan na saindong Dios arog sa kalayong nakakatutong, sarong maimon na Dios.

Josue 22:13

Sinugo kan mga Israelita si Finehas, na aki ni Eleazar na padi, na magduman sa Gilead sa mga tribu ni Ruben, Gad, asin sa kabangang tribu ni Manases.

Josue 24:19

Nagsabi si Josue sa mga Tawo, “Alagad tibaad dai kamo makapaglingkod sa Kagurangnan. Siya sarong Dios na banal; sarong maimon na Dios. Dai niya mapapatawad an saindong mga kasalan asin kasombikalan.