Mga Bilang 24:9 - Marahay na Bareta Biblia

⁹ An nasyon nin Israel arog sa makosog na leon; Mayo nin mangangahas na magpukaw kun natotorog siya. Bebendisyonan an magbebendisyon saimo, Asin mamaldisyonon an magmamaldisyon saimo.”

Mga Bilang 24:9 ပူးပေါင်းရင်းမြစ်များ

Genesis 12:3

Bebendisyonan ko an mga mabendisyon saimo, Asin isusumpa ko an mga masumpa saimo; Sa paagi mo, bebendisyonan ko man an gabos na nasyon sa daga.

Genesis 27:29

Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”

Genesis 49:9

Si Juda arog sa sarong leon, Ginagadan niya an saiyang biktima dangan minapuli sa saiyang lungib, Minaunat kan saiyang lawas asin minahigda. Mayong nangangahas na magpukaw saiya.

1 Mga Hade 10:20

Sa anom na tangga igwa nin nakatindog na doseng pormang leon, sarong pormang leon sa lambang poro kan tangga. Mayo pa nin tronong ginibo na arog kaini sa arin man na kahadean.

2 Mga Cronica 9:18

An trono igwa nin anom na tangga saka sarong bulawan na tungtongan na kasugpon kan trono. Igwa nin mag-ibong na pasunadan nin braso an trono, asin may nakatindog na pigura nin leon sa kataed kan lambang pasunadan.

Esther 6:13

Inosip niya sa saiyang agom na si Zeres asin sa gabos niyang katood an gabos na nangyari saiya. Dangan nagsabi an madonong niyang mga katood saka an agom niyang si Zeres, “Nagpoon nang makua ni Mardokeo an saimong kapangyarihan. Saro siyang Judio, asin dai mo siya madadaog. Dadaogon ka nanggad niya.”

An Libro ni Job 41:10

Kun siya naanggot, nagigin maringis siya; mayo nin siisay man na nangangahas na mag-atubang saiya.

Salmo 122:6

Ipamibi nindo an katoninongan nin Jerusalem! “Mag-uswag logod an mga namomoot saimo.

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Exodo 23:22

Alagad kun sunodon nindo siya asin gibohon an gabos kong itinaram, lalabanan ko an gabos nindong kaiwal.

Isaias 31:4

Sinabihan ako nin Kagurangnan, “Maski gurano kakosog an kurahaw kan mga pastor, dai ninda mapapatakot an sarong leon tanganing bayaan an hayop na ginadan kaiyan; siring man, mayo nin makakapahale sako, an Kagurangnan nin mga hukbo, sa pagsurog sa Bukid nin Sion.

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mga Bilang 22:12

Tinaraman nin Dios si Balaam, “Dai ka mag-iba sa mga lalaking iyan, asin dai mo pagmaldisyonon an banwaan nin Israel, huli ta yaon sainda an sakong bendisyon.”

Mga Bilang 22:6

Dumigdi ka tolos asin maldisyon mo sinda, huli ta mas dakul sinda ki sa samo; tibaad pa madaog mi sinda asin mapalayas sa daga. Aram kong nabebendisyonan an benebendisyonan mo asin namamaldisyonon an minamaldisyon mo.”

Mga Bilang 23:24

Siring sa makosog na leon an nasyon nin Israel; Dai nag-oontok sagkod na makakan an biktima, Asin mainom an dugo kan saiyang ginadan.

Mga Bilang 24:10

Ginugom ni Balak an saiyang mga palad sa kaanggotan ki Balaam dangan nagsabi, “Inapod taka tanganing maldisyonon an sakong mga kaiwal alagad tolong beses mo sindang benendisyonan.

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Mateo 25:45

Masimbag an Hade sainda, ‘Sa katotoohan sinasabihan ko kamo, an dai nindo ginibo sa saro kan mga pinakasadit na ini, dai man nindo ginibo sako.’

Mga Gibo 9:5

Naghapot si Saulo, “Siisay ka, Kagurangnan?” Nagsimbag an tingog, “Ako si Jesus na pinapasakitan mo.

Deuteronomio 30:7

Ipapadara nin Kagurangnan an mga maldisyon na ini sa saindong mga kaiwal na naongis asin nag-api saindo.