Mga Bilang 24:7 - Marahay na Bareta Biblia

⁷ Magkakaigwa sinda nin abundang uran. Asin itatanom ninda an saindang banhi sa matubig na kaomahan! An saindang hade magigin mas makosog ki Agag, Asin an kahadean ninda ilalangkaw.

Mga Bilang 24:7 ပူးပေါင်းရင်းမြစ်များ

2 Samuel 5:12

Kaya nasabotan ni David na ibinugtak na siya nin Kagurangnan bilang hade nin Israel, asin pinapauswag nin Kagurangnan an saiyang kahadean para sa banwaan nin Israel.

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

1 Mga Hade 5:1

Kan madangog ni Hadeng Hiram nin Tiro na linahidan si Solomon bilang hade na kasalihid kan saiyang ama, nagpadara siya nin mga sugo ki Solomon, huli ta katood siya ni David.

1 Mga Cronica 14:2

Kaya nasabotan ni David na ibinugtak na siya nin Kagurangnan bilang hade nin Israel, asin na pinapauswag nin Kagurangnan an saiyang kahadean para sa banwaan nin Israel.

Esdras 4:20

Mapangyari an mga hade na namayo sa Jerusalem saka sa bilog na probinsya sa ibong kan Salog nin Eufrates, asin nagharagad sinda nin mga buhis.

Esther 3:1

Pakatapos kan mga pangyayaring ini, ilinangkaw ni Hadeng Jerjes sa katongdan si Haman na aking lalaki ni Hammedata, na sarong Agageo. Ginibo niya ining pangenot na ministro.

Salmo 18:43

Ilinigtas mo ako sa mga tawong masombikal; ginibo mo akong hade nin mga nasyon; banwaan na dai ko man midbid naglingkod sako.

Salmo 68:26

“Pag-omawon an Dios sa katiriponan nin saiyang banwaan; kamong kapagarakian ni Jacob, omawon nindo an Kagurangnan!”

Salmo 72:11

Gabos na hade magluhod logod sa atubang niya, gabos na nasyon maglingkod saiya.

Salmo 89:27

Gigibohon ko siyang aki kong matua, an pinakahalangkaw sa mga hade kan daga.

Isaias 2:2

Sa mga aldaw na maabot, an bukid na namumugtakan kan Templo nin Kagurangnan iyo an magigin pinakahalangkaw sa gabos, halangkaw ki sa gabos na bulod. An gabos na nasyon maduruman,

Isaias 30:25

Sa aldaw na masakop an mga bantayan kan saindong mga kaiwal saka magkagaradan an saindang mga tawohan, mabulos an burabod nin tubig hale sa lambang bukid saka bulod.

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 51:13

An nasyon na idto igwa nin kadakul na salog saka kayamanan, alagad nag-abot na an saindang kataposan; sagkod na sana diyan an saindang buhay.

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Mga Bilang 24:20

Dangan sa saiyang bisyon nahiling ni Balaam an mga Amalekita asin nagpropesiya siya: “An Amalek iyo an mapangyari sa gabos na nasyon, Alagad sa kataposan mapapara siya sagkod lamang.”

Juan 1:49

Nagsabi si Natanael, “Rabbi, totoong ika an Aki nin Dios! Ika an Hade nin Israel!”

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 17:1

Dangan nagdolok sako an saro kan pitong anghel na may pitong mangko asin nagsabi, “Madya, ipapahiling ko saimo an padusa kan pinakamaraot na babae—an dakulang syudad na nakatugdok harani sa dakul na salog.

Kapahayagan 17:15

Nagsabi pa sako an anghel, “An nahiling mong mga tubig na natutukawan kan maraot na babae iyo an mga banwaan, mga katawohan, mga rasa asin mga lengwahe.

Kapahayagan 19:16

Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”