Mga Bilang 24:6 - Marahay na Bareta Biblia

⁶ Arog sa mga kapantayan na mahiwas, Arog sa mga tatamnan sa tampi nin salog; Arog sa mahamot na mga tinanom nin Kagurangnan, Arog sa mga kahoy na sedro sa kataed nin katubigan.

Mga Bilang 24:6 ပူးပေါင်းရင်းမြစ်များ

Genesis 13:10

Nangalagkalag si Lot asin nahiling niya na mayaman sa tubig an bilog na Kapantayan nin Jordan sagkod sa Zoar, arog kan tatamnan kan Kagurangnan o arog kan daga nin Egipto. (Ini an kamugtakan kan daga bago tunawon nin Kagurangnan an Sodoma asin an Gomorra.)

Salmo 1:3

Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

Salmo 104:16

Dakul na uran minabaribi sa mga kahoy nin Kagurangnan; sa mga sedro na saiyang itinanom sa Lebanon.

Salmo 45:8

An saimong mga gubing namamarong nin mira, aloe asin kasia; rinaranga ka kan mga musiko sa mga palasyong marpil.

Awit nin mga Awit 6:11

Nagduman ako sa tatamnan nin mga kahoy na almendras tanganing hilingon an sadit na mga tinanom sa kapantayan, tanganing hilingon kun nagdahon na an mga balagon asin kun namurak na an mga granada.

Isaias 41:19

Papataluboon ko sa desyerto an mga sedro, an mga akasya, an mga mirto asin an mga oliba. An kalangtadan gigibohon kong mga kadlagan, kadlagan nin mga aguho, hunipero asin cipres.

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Ezekiel 47:12

Sa mag-ibong na pangpang kan sapa matalubo an gabos na klase nin kahoy tanganing magtao nin kakanon. Dai maaalang an mga dahon kaiyan asin dai iyan mawawaraan nin bunga. Mabunga iyan bulan-bulan, huli ta natutubigan iyan kan sapa na nagbubulos hale sa Templo. An saindang bunga magigin pagkakan asin saindang mga dahon gagamiton sa pagbolong.”

Joel 3:18

Sa panahon na iyan matatahoban nin mga ubasan an kabukidan, asin sa gabos na bulod makukua an kabakahan; an gabos na sapa nin Juda magbubulos nin tubig. Sarong sapa an mabulos hale sa Templo nin Kagurangnan, dangan babaribihon kaiyan an Sittim.

Mga Bilang 24:5

Magagayon an saimong mga tolda, O Jacob, An saimong mga eerokan, O Israel!