Mga Bilang 24:5 - Marahay na Bareta Biblia

⁵ Magagayon an saimong mga tolda, O Jacob, An saimong mga eerokan, O Israel!

Mga Bilang 24:5 ပူးပေါင်းရင်းမြစ်များ

Nehemias 13:2

huli ta an mga taga Ammon saka mga taga Moab dai nagtao nin pagkakan asin tubig sa mga Israelita pakahale kaini sa Egipto. Embes kaiyan, binayadan ninda si Balaam tanganing maldisyonon an mga Israelita. Alagad an maldisyon na ini ginibo nin Dios na sarong bendisyon.

Salmo 84:2

An sakong kalag napupungaw asin naghihidaw sa mga patyo nin Kagurangnan. An sakong puso asin hawak nag-aawit sa kaogmahan sa Dios na buhay.

Exodo 38:21

Uya an lista kan kantidad kan mga metal na ginamit sa Tabernakulo, na sinarayan kan duwang tablang gapo na sinuratan kan Sampolong Togon. An paglista ipinagboot ni Moises asin ginibo kan mga Levita na nagtrabaho sa irarom kan pamamahala ni Itamar na aki ni Aaron na padi.

Awit nin mga Awit 4:7

Magayon ka nin marahay, sakong namomotan; mayo ka nin kaninan!

Awit nin mga Awit 6:4

Magayon ka siring sa Jerusalem, sakong namomotan magayon siring sa syudad nin Tirsa, makangirhat siring sa sarong hukbo na igwang mga bandera.

Levitico 23:42

An gabos na Israelita maerok sa mga harong-harong sa laog nin pitong aldaw,

Malakias 2:12

Haleon logod nin Kagurangnan sa komunidad nin Israel an mga naggibo kaini, asin dai na logod tugotan na makaiba sa pagdodolot na ginigibo kan satong nasyon sa Kagurangnan nin mga hukbo.

Mga Bilang 2:34

Kaya ginibo kan banwaan nin Israel an gabos na pagboot nin Kagurangnan ki Moises. Nagkampo sinda, an lambang saro sa irarom kan saiyang sadiring bandera, asin naglakaw sinda, an lambang saro kaibahan kan saiyang sadiring kamaganakan.

Mga Bilang 24:2

asin nahiling niya an Israel na tribu-tribung nakakampo. Dangan uminabot saiya an espiritu nin Dios,

Mga Bilang 24:4

Kan nakakadangog kan tataramon nin Dios, Kan nakakahiling kan bisyon kan Makakamhan; Kan natutumba, alagad malinaw an mga mata.

Mga Bilang 24:6

Arog sa mga kapantayan na mahiwas, Arog sa mga tatamnan sa tampi nin salog; Arog sa mahamot na mga tinanom nin Kagurangnan, Arog sa mga kahoy na sedro sa kataed nin katubigan.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Josue 24:10

Alagad dai ko dinangog si Balaam kaya benedisyonan niya kamo, asin sa siring na paagi, ilinigtas ko kamo sa kamot ni Balak.