Mga Bilang 24:17 - Marahay na Bareta Biblia

¹⁷ An maabot na aldaw sakong tinatanaw, Asin an nasyon nin Israel sakong nahihiling. Sarong bitoon an maluwas ki Jacob, sarong hade an magikan sa Israel. Siya an maronot kan payo ni Moab Asin mapatumba kan mga aki ni Set.

Mga Bilang 24:17 ပူးပေါင်းရင်းမြစ်များ

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

2 Samuel 8:14

Nagpatindog siya nin mga kampo nin mga soldados sa Edom, asin nagin sorogoon niya an mga tawo duman. Pinapanggana nin Kagurangnan si David saen man siya magduman.

2 Samuel 8:2

Dinaog man niya an mga Moabita; pinahigda niya an mga ini sa daga asin ginadan an duwa sa lambang tolo sa sainda. Kaya an mga Moabita nagin mga sorogoon ni David asin nagbayad sinda saiya nin buhis.

2 Mga Hade 3:5

Alagad kan magadan si Hadeng Ahab nin Israel, nagrebelde siya laban sa Israel.

1 Mga Cronica 18:2

Dinaog man niya an mga Moabita na nagin mga sorogoon niya asin nagbayad sinda saiya nin buhis.

Salmo 110:2

Ipapadara nin Kagurangnan hale sa Sion an setro nin saimong kapangyarihan. Maghade ka sa tahaw kan saimong mga kaiwal!

Salmo 45:6

An banal mong trono magdadanay sagkod lamang. Setro nin katanosan an setro nin saimong kahadean;

Isaias 15:1

Iyo ini an mensahe dapit sa Moab. Sa laog nin saro sanang banggi, nagkararaot an mga syudad nin Ar asin Kir; mayo na maski sarong tingog na nadadangog sa daga nin Moab.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 48:1

Iyo ini an itinaram nin Kagurangnan nin mga hukbo manongod sa Moab: “Herak man sa mga taga Nebo— rinaot na an saindang banwa! Nasakop na an Kiriataim, rinumpag an makosog kaining bantayan asin pinasopog an mga namamanwaan;

Jeremias 48:45

Magtatago sa Hesbon an mga makadulag; iyan an syudad na dating pinamahalaan ni Hadeng Sihon. Alagad nagkakalayo an Hesbon asin nasusulo an palasyo ni Hadeng Sihon. Tinompos kan kalayo an mga pagdolonan asin an mga kabukidan kan mga taga Moab na tood sa pakilaban.

Zacarias 10:4

Magikan sa sainda an mga pamayo, mga lider, saka mga paraboot tanganing mamahala sa sakong banwaan.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Mga Bilang 21:29

Herak man saimo, O Moab! Ini an saimong kataposan, O banwaan nin Kemos! Pinabayaan niyang magin paradulag an saiyang mga aking lalaki Asin an mga aking babae nagin bihag kan hadeng Amoreo.

Mga Bilang 24:16

Kan nakakadangog kan tataramon nin Dios, Asin nakakaisi kan kadonongan kan Kahorohalangkawe. Kan nakakahiling kan bisyon kan Makakamhan, Kan natutumba, alagad malinaw an mga mata.

Lukas 1:78

Huli sa pagkaherak nin satuyang Dios, papabanaagon niya sato hale sa itaas an aldaw nin kaligtasan,

Hebreyo 1:8

Alagad dapit sa Aki, sinabi nin Dios: “An saimong trono, O Dios, magdadanay sagkod lamang! Setro nin katanosan an setro nin saimong kahadean.

Hebreyo 7:14

Aram nang gayo na gikan siya sa tribu ni Juda; dai lamang nasambit ni Moises an tribung ini kan magtaram siya dapit sa mga padi.

2 Pedro 1:19

Kaya nag-orog an samong pagsarig sa mga ipinahayag kan mga propeta. Marahay para saindo na pahalagahan an pahayag na iyan—iyan garo sarong ilawan na nagliliwanag sa madiklom na lugar, sagkod na magbanaag an Aldaw asin magliwanag an bitoon na makaaga sa saindong mga puso.

Judas 1:11

Herak man sainda! Huli ta inarog ninda si Cain; dahel sa kwarta, ginibo ninda an salang ginibo ni Balaam. Nagrebelde sinda arog ki Kora, kaya napahamak man sinda arog saiya.

Kapahayagan 1:7

Hilinga! Nagdadatong si Cristo na nasa panganoron! Mahihiling siya kan gabos maski kaidtong mga guminarod saiya. Gabos na tawo sa kinaban maghahaya dahel saiya. Mangyayari nanggad ini!

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 22:16

“Ako, si Jesus, an nagsugo kan sakong anghel na magpahayag kan mga bagay na ini saindo sa mga simbahan. Gikan ako sa pamilya ni David; ako an maliwanag na bitoon na makaaga.”

1 Samuel 14:38

Dangan sinabihan ni Saul an mga lider kan mga tawo, “Madya kamo asin aramon nindo kun anong kasalan an naginibo ngunyan na aldaw.