Mga Bilang 23:9 - Marahay na Bareta Biblia

⁹ Nahihiling ko sinda hale sa alitoktok nin mga kabukidan; Binabantayan ko sinda hale sa kabubuldan. Sinda sarong nasyon na solo-solong namumuhay; Nakakasabot na mas paladan sinda ki sa ibang nasyon.

Mga Bilang 23:9 ပူးပေါင်းရင်းမြစ်များ

Esdras 9:2

An mga Judio nag-agom nin mga dayuhan na babae, kaya nadigtaan an banal na banwaan nin Dios. An mga lider saka an mga opisyal iyo an nangenot sa pagkasala.”

Esther 3:8

Dangan nagsabi si Haman ki Hadeng Jerjes, “Igwa nin sarong rasa nin mga tawo na nakawarak sa bilog mong imperyo asin manunumpongan sa lambang probinsya. May sinusunod sindang mga kaugalean na iba kan sa ibang tawo, asin dai ninda kinukuyog an saimong mga katogonan. Mayo sinda nin ibubungang marahay sa saimo kun pabayaan mo sinda.

Exodo 33:16

Huli ta paanong maaaraman na nawiwilihan mo ako saka an mga tawo? Bako daw huli sa pag-iba mo samo tanganing mapalaen kami, ako saka an saimong banwaan, sa ibang mga tawo sa kinaban?”

Jeremias 46:28

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo. Ako, an Kagurangnan, an nagtaram.”

Jeremias 49:31

‘Magbangon kamo, dangan salakayon ta an sarong nasyon na namumuhay na matiwasay saka maginhawa. An saindang syudad mayo nin mga trangkahan saka mga barat asin yaon ini sa sarong siblag na lugar.’

Amos 9:9

“Ako an magboboot asin an magsasaligsig kan banwaan nin Israel arog kan pagsaligsig sa trigo. Sasaligsigon ko sinda sa tahaw kan mga nasyon tanganing mahale an gabos na mayo nin halaga.

Mikas 7:14

Atamana siring sa sarong pastor an saimong banwaan, Kagurangnan, an banwaan na saimong pinili. Maski bako sindang sararo na nag-eerok sa kalangtadan, igwa nin matubang na daga sa palibot ninda. Padumana sinda sa mayaman na mga pasabsaban nin Basan saka Gilead, dangan pakakana sinda duman arog kan ginibo ninda kaidtong panahon.

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.

Deuteronomio 32:8

An Kahorohalangkawe an nagtao sa mga nasyon kan saindang daga. Kan siriblagon niya an mga banwaan, asin bugtakan nin kasagkoran an mga daga, linaen na niya an mga aki ni Israel.

Deuteronomio 33:28

Kaya an Israel nag-eerok sa katoninongan, sa daga na mayaman sa ani asin sa arak, na binabaribi kan ambon nin kalangitan.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.