Mga Bilang 23:8 - Marahay na Bareta Biblia

⁸ Paano ko mamaldisyonon an dai minaldisyon nin Dios? Paano ko isisikwal an dai isinikwal nin Dios?

Mga Bilang 23:8 ပူးပေါင်းရင်းမြစ်များ

Mga Talinhaga 26:2

An mga maldisyon na bakong maninigo dai nagkakatotoo. Arog iyan sa gamgam na naglalayog asin dai nanggad minatugdon.

Isaias 44:25

Ginigibo kong mga lolong an mga parahula asin dai ko pinapangyari an hula kan mga nag-aadal kan mga bitoon. Sinasalungat ko an mga tataramon kan mga madonong asin ipinahiling kong kalolongan an saindang kadonongan.

Mga Bilang 22:12

Tinaraman nin Dios si Balaam, “Dai ka mag-iba sa mga lalaking iyan, asin dai mo pagmaldisyonon an banwaan nin Israel, huli ta yaon sainda an sakong bendisyon.”

Mga Bilang 22:6

Dumigdi ka tolos asin maldisyon mo sinda, huli ta mas dakul sinda ki sa samo; tibaad pa madaog mi sinda asin mapalayas sa daga. Aram kong nabebendisyonan an benebendisyonan mo asin namamaldisyonon an minamaldisyon mo.”

Mga Bilang 23:20

Pinagbotan ako na magbendisyon, Asin kun an Dios minabendisyon, dai ko iyan maliliwat.

Mga Bilang 23:23

Huli ta mayong gayuma na makakadagka ki Jacob, Mayo nin pangkukulam na makakalaban sa Israel. Masabi ngunyan an mga tawo manongod sa Israel, “Hilinga nindo kun ano an ginibo nin Dios!”

Mga Bilang 23:7

Sinabi ni Balaam an propesiyang ini: “Ipinaapod ako ni Balak na hade nin Moab Hale sa Siria, hale sa kabukidan sa sirangan. An sabi niya sako, ‘Madya, maldisyonon mo si Jacob. Madya, isikwal mo an banwaan nin Israel!’