Mga Bilang 23:4 - Marahay na Bareta Biblia

⁴ asin tinupar siya nin Dios. Sinabihan ni Balaam an Dios, “Nagpaandam ako nin pitong altar asin nagdolot ako nin sarong torong baka saka sarong lalaking karnero sa lambang altar.”

Mga Bilang 23:4 ပူးပေါင်းရင်းမြစ်များ

Mga Bilang 22:20

Pagkabanggi nagtaram an Dios ki Balaam, “Kun napadigdi an mga lalaking iyan tanganing pakiolayan kang umiba sainda, mag-andam ka asin umiba ka sainda, alagad gibohon mo sana an itataram ko saimo.”

Mga Bilang 22:9

An Dios nagduman ki Balaam asin naghapot, “Siisay an mga lalaking iyan na kaibahan mo?”

Mga Bilang 23:1

Sinabihan ni Balaam si Balak, “Ipatugdok mo ako digdi nin pitong altar, asin darahan mo ako nin pitong torong baka saka pitong lalaking karnero.”

Mga Bilang 23:16

Tinupar nin Kagurangnan si Balaam asin tinaraman kan mga dapat niyang itaram ki Balak. Dangan pinabalik niya si Balaam ki Balak.

Mga Bilang 23:3

Nagsabi si Balaam ki Balak, “Tumindog ka digdi sa kataed kan saimong tinutong na atang asin mahale ngona ako ta tibaad tuparon ako nin Kagurangnan. Ipapaisi ko saimo an ano man na ipahayag niya sako.” Kaya solo siyang nagduman sa alitoktok nin sarong bulod,

Mga Bilang 23:5

Tinaraman nin Kagurangnan si Balaam kan mga dapat isabi niya dangan pinabalik niya ini ki Balak.

Mateo 20:12

Nagsabi sinda, ‘Sarong oras sanang nagtrabaho an nag-abot na huri, mantang kami maghapon na nagtrabaho sa init kan aldaw, alagad tinandanan mo sinda nin parehong kantidad na ibinayad mo samo.’

Lukas 18:12

Nag-aayuno ako nin duwang beses sa semana saka nagtatao ako saimo nin himoloan kan gabos kong hinanapan.’

Juan 16:2

Papahaleon kamo sa mga sinagoga; maabot nanggad an panahon na an siisay man na maggadan saindo maghohona na an gibong iyan sarong paglingkod sa Dios.

Roma 3:27

Kaya ano an ipinag-oorgulyo ta? Mayo! Tano ta mayo? Ini daw huli ta nagkukuyog kita kan Katogonan? Bako, kundi huli ta nagtutubod kita ki Jesus.

Efeso 2:9

Mayo saindong pwedeng mag-orgulyo dapit kaini, huli ta bako ining bunga kan sadiri nindong mga gibo.