Mga Bilang 23:20 - Marahay na Bareta Biblia

²⁰ Pinagbotan ako na magbendisyon, Asin kun an Dios minabendisyon, dai ko iyan maliliwat.

Mga Bilang 23:20 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 27:33

Huli kaini nagtakig an bilog na hawak ni Isaac asin naghapot, “Siisay palan idtong nagbuno nin hayop asin nagdara kan linuto sako? Nakakakan pa sana ako bago ka mag-abot. Itinao ko na saiya an bendisyon asin mapapasaiya na idto sagkod pa man.”

1 Mga Cronica 17:27

Nakikimaherak ako na bendisyonan mo an sakong kapagarakian tanganing magdanay sinda sagkod pa man sa saimong atubangan; huli ta an saimong bendisyon, O Kagurangnan, bendisyon sagkod lamang.”

Isaias 43:13

Ako an Dios asin magdadanay na Dios sagkod pa man. Mayong makakadulag sa sakong kapangyarihan; mayong makakaliwat kan sakong ginigibo.”

Mga Bilang 22:12

Tinaraman nin Dios si Balaam, “Dai ka mag-iba sa mga lalaking iyan, asin dai mo pagmaldisyonon an banwaan nin Israel, huli ta yaon sainda an sakong bendisyon.”

Mga Bilang 22:18

Alagad nagsimbag si Balaam, “Maski itao pa sako ni Balak an gabos na plata asin bulawan sa saiyang palasyo, dai ko pwedeng lapason an pagboot sako nin Kagurangnan na sakong Dios maski sa pinakasadit na bagay.

Mga Bilang 22:38

Nagsimbag si Balaam, “Uya na ako, bakong iyo? Alagad igwa daw ako nin kapangyarihan sa pagtaram? An itataram sako nin Dios iyo sana an sasabihon ko.”

Mga Bilang 6:27

Nagtaram an Kagurangnan, “Kun sambiton ninda an sakong ngaran bilang sarong bendisyon sa banwaan nin Israel, bebendisyonan ko sinda.”

1 Pedro 1:5

Huli sa pagtubod, iniingatan kamo kan kapangyarihan nin Dios, sagkod na makamtan nindo an kaligtasan na andam nang ihayag sa kataposan nin panahon.