Mga Bilang 23:19 - Marahay na Bareta Biblia

¹⁹ An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Mga Bilang 23:19 ပူးပေါင်းရင်းမြစ်များ

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

Genesis 28:15

Giromdoma na iibahan asin aatamanon taka saen ka man magduman, asin ibabalik taka sa dagang ini. Dai taka babayaan sagkod na magibo ko an itinaram ko saimo.”

1 Mga Hade 14:11

An siisay man na kaayon sa saimong pamilya na magadan sa syudad, kakakanon kan mga ayam, asin an magadan sa kahiwasan kakakanon kan mga bwitre. Ako, an Kagurangnan, an nagtaram!’”

2 Mga Hade 15:12

Kaya naotob an panuga nin Kagurangnan ki Jehu: “An saimong mga kapagarakian sagkod sa ikaapat na henerasyon magigin mga hade nin Israel.”

2 Mga Hade 7:2

An kapitan kan mga bantay kan hade nagsabi ki Eliseo, “Imposible iyan; maski bukasan pa nin Kagurangnan an mga bintana nin langit!” “Mahihiling mo ini, alagad dai ka makakanamit kan pagkakan,” an simbag ni Eliseo.

1 Mga Cronica 17:17

Alagad dakul pa an ginibo mo para sako, O Dios; nagtaram ka man manongod sa sakuyang kapagarakian sa maabot na panahon, O Kagurangnan Dios!

Salmo 110:4

An Kagurangnan nagsumpa asin dai niya ini babawion: “Ika padi sagkod pa man sosog sa orden ni Melkizedek.”

Salmo 132:11

Sarong panuga an ginibo mo ki David panuga na dai mo babawion: “Saro sa mga aki mo an gigibohon kong hade; siya maghahade bilang kasalihid mo.

Salmo 77:9

Nalingawan na daw nin Dios na siya maugayon? Sa kaanggotan, pinupugol na daw niya an saiyang pagkaherak?”

Salmo 89:34

Dai ko lalapason an sakong tipan, o liliwaton an tataramon na nagluwas sa sakong ngoso.

Salmo 89:35

“Makasaro akong nagsumpa huli kan sakong kabanalan: dai nanggad ako maputik ki David.

Isaias 21:17

An mga parapana nin Kedar iyo an pinakamaisog sa gabos, alagad dikit sana sa sainda an matatada. Ako, an Kagurangnan Dios nin Israel, an nagtaram.”

Isaias 31:2

Naaaraman nin Dios an saiyang ginigibo! Nagpapadara siya nin kapahamakan. Pinapatotoohan niya an saiyang mga homa nin pagpadusa sa mga maraot na tawo asin sa mga nagsusurog sa mga ini.

Isaias 40:8

Iyo, naluluyos an mga doot asin nawawara an mga burak, alagad an tataramon nin satong Dios magdadanay sagkod lamang.”

Isaias 46:11

Inaapod ko an sarong lalaki na magdigdi hale sa sirangan; mananaklot siya siring sa sarong agila asin ootobon niya an sakong katuyohan. Ako an nagtaram, asin mangyayari iyan.

Isaias 55:11

Siring man an tataramon na sakong sinasabi— dai iyan mabalik sako na mayo nin bunga; gigibohon kaiyan an gabos na sakong ipinapagibo.

Jeremias 4:28

Magmomondo an daga; magdidiklom an kalangitan. Nagtaram an Kagurangnan asin dai magbabago an saiyang isip. Nakapagdesisyon na siya asin dai siya masibog.

Daniel 4:28

An gabos na ini nangyari ki Hadeng Nebukadnezzar.

Oseas 11:9

Dai taka papadusahan sa sakong kaanggotan; dai ko na nanggad raraoton an Israel. Huli ta Dios ako asin bakong tawo. Ako, an Banal na Dios, kaibahan nindo. Dai ako madiyan saindo sa kaanggotan.

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Habakkuk 2:3

Isurat mo iyan, huli ta dai pa napapanahon tanganing maotob iyan. Alagad madali nang mag-abot an panahon, asin magkakatotoo an ipapahiling ko saimo. Pwedeng mahaloy nin kadikit an pag-abot kaiyan, alagad halaton mo; mangyayari iyan, asin dai iyan mapupugolan.

Malakias 3:6

“Ako an Kagurangnan, asin dai ako nagliliwat. Kaya kamo, an mga kapagarakian ni Jacob, dai pa napupuho.

Mga Bilang 14:35

Minasumpa ako na gigibohon ko ini saindo, kamong mga maraot na tawo na nagkasararo tumang sako. An lambang saro saindo magagadan sa kalangtadan na ini. Ako, an Kagurangnan, an nagtaram.’”

Mga Bilang 23:18

asin sinabi ni Balaam an propesiyang ini: “Madya Balak, aking lalaki ni Zippor, Asin hinanyoga an sakong sasabihon.

Lukas 21:33

Mapapara an langit asin an daga, alagad an sakong mga tataramon dai nanggad mapapara.

Roma 11:29

Dai binabawi nin Dios an saiyang mga balaog; dai niya binabago an saiyang pag-apod.

Roma 9:6

Alagad dai ko sinasabi na an panuga nin Dios dai naotob; huli ta bakong gabos na gikan ki Israel kabilang sa banwaan nin Dios.

2 Timoteo 2:13

kun kita bakong maimbod, siya nagdadanay na maimbod, huli ta dai siya makakanegar sa sadiri niya.”

Tito 1:2

basado sa paglaom tang magkaigwa nin buhay na daing kataposan. An Dios, na dai nagpuputik, nanuga sato kan buhay na iyan bago pa lalangon an kinaban.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.

Hebreyo 7:21

Alagad si Jesus nagin padi huli sa sarong sumpa kan magsabi an Dios saiya, “An Kagurangnan nagsumpa asin dai niya ini babaweon: ‘Ika padi sagkod pa man.’”

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

Santiago 4:5

Dai kamo maghona na mayo nin halaga an kasuratan na nagsasabi, “Maimon an Dios manongod sa espiritu na itinao niya sato.”

Josue 21:45

Inotob nin Kagurangnan an lambang saro kan saiyang mga panuga sa banwaan nin Israel.

1 Samuel 15:29

Dai nagpuputik o nagbabago nin isip an mamurawayon na Dios nin Israel. Bako siya tawo—dai siya nagbabago nin isip.”

1 Samuel 3:12

Sa aldaw na iyan, ootobon ko an gabos kong itinaram laban ki Eli asin sa saiyang pamilya, magpoon sa kapinonan sagkod sa kataposan.