Mga Bilang 23:10 - Marahay na Bareta Biblia

¹⁰ An mga kapagarakian nin Israel siring sa alpog. Dai sinda mabibilang huli ta dakul nin marahay. Mapasako logod an kagadanan kan matanos, Asin an sakong kataposan magin logod siring kan saiya!”

Mga Bilang 23:10 ပူးပေါင်းရင်းမြစ်များ

Genesis 13:16

Papadakulon ko siring sa alpog kan daga an saimong mga kapagarakian. Dai nin makakabilang sainda huli ta mayo nin makakabilang kan alpog kan daga.

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 28:14

An saimong mga kapagarakian magigin siring sa alpog nin daga. Papadakulaon ninda an saindang teritoryo sa gabos na direksyon; bebendisyonan ko an gabos na nasyon sa daga sa paagi mo asin sa saimong kapagarakian.

Salmo 116:15

Makulog para sa Kagurangnan kun nagagadan an saro kan saiyang mga banal!

Salmo 37:37

Masdan mo an marahay na tawo, asin hilinga an matanos; an matoninong na tawo igwa nin kapagarakian.

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Mga Bilang 31:8

kaiba an limang hade kan Midian na si Evi, Rekem, Zur, Hur, asin Reba. Ginadan man ninda si Balaam na aking lalaki ni Beor.

2 Corinto 5:1

Aram nyato na kun matunaw an erokan ta digdi sa daga na iyo an satong hawak, igwa nin erokan na nagdadanay sagkod lamang na gibo nin Dios, na saiyang tinatagama sato sa kalangitan.

Kapahayagan 14:13

Dangan nadangog ko an sarong tingog hale sa langit na nagsasabi, “Isurat mo ini: Poon ngunyan, paladan an mga magagadan na naglilingkod sa Kagurangnan!” Nagsimbag an Espiritu, “Totoong paladan! Makakapahingalo na sinda sa saindang mga pagpagal, huli ta magsusunod sainda an mga bunga kan saindang mga gibo.”