Mga Bilang 22:5 - Marahay na Bareta Biblia

⁵ nin mga sugo ki Balaam na aki ni Beor, na idtoon sa Petor harani sa Salog nin Eufrates sa daga nin Amaw. Dara ninda an mensaheng ini hale ki Balak: “Boot kong maaraman mo na sarong nasyon an nag-abot hale sa Egipto. Nakakalakop na sinda sa gabos na lugar asin harani na sa samong daga.

Mga Bilang 22:5 ပူးပေါင်းရင်းမြစ်များ

Genesis 13:16

Papadakulon ko siring sa alpog kan daga an saimong mga kapagarakian. Dai nin makakabilang sainda huli ta mayo nin makakabilang kan alpog kan daga.

Salmo 105:24

Pinadakul nin Kagurangnan an saiyang banwaan, asin orog na pinakosog ki sa saindang mga kaiwal.

Exodo 10:15

Nangitom an daga huli sa doron. Inubos kaini an gabos na tinanom asin an gabos na prutas kan mga kahoy na natada kan uran nin yelo. Mayong nawalat maski sarong dahon sa arin man na kahoy o tinanom sa bilog na daga nin Egipto.

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Mga Bilang 23:7

Sinabi ni Balaam an propesiyang ini: “Ipinaapod ako ni Balak na hade nin Moab Hale sa Siria, hale sa kabukidan sa sirangan. An sabi niya sako, ‘Madya, maldisyonon mo si Jacob. Madya, isikwal mo an banwaan nin Israel!’

Mga Bilang 31:8

kaiba an limang hade kan Midian na si Evi, Rekem, Zur, Hur, asin Reba. Ginadan man ninda si Balaam na aking lalaki ni Beor.

Deuteronomio 23:4

Nagsayuma sindang tawan kamo nin pagkakan asin inomon kan nagbabaklay kamo hale sa Egipto; tinandanan ninda si Balaam, na aki ni Beor na gikan sa Petor kan Mesopotamia, tanganing maldisyonon kamo.

Deuteronomio 23:5

Alagad dai si Balaam dinangog nin Kagurangnan na saindong Dios, asin an saiyang maldisyon ginibo nin Kagurangnan na magin bendisyon huli ta namotan niya kamo.

Josue 13:22

Kaiba sa mga ginadan kan mga Israelita iyo an parahula na si Balaam na aki ni Beor.

Josue 24:9

Dangan nakilaban saindo an hade nin Moab, si Balak na aki ni Zippor. Sinugo niya si Balaam na aki ni Beor tanganing maldisyonon kamo.

Judas 1:11

Herak man sainda! Huli ta inarog ninda si Cain; dahel sa kwarta, ginibo ninda an salang ginibo ni Balaam. Nagrebelde sinda arog ki Kora, kaya napahamak man sinda arog saiya.

Kapahayagan 2:14

Alagad igwa ako nin nagkapirang bagay na masasabi tumang saimo: may iba diyan saindo na nagsusunod sa katukdoan ni Balaam, na nagtukdo ki Balac na magbuktak nin singkogan para sa mga Israelita kan dagkahon sindang magkakan kan inatang sa mga dios-dios saka maggibo nin karigsokan.