Mga Bilang 22:34 - Marahay na Bareta Biblia

³⁴ Nagsimbag si Balaam, “Nagkasala ako. Dai ko aram na nakatindog ka sa dalan tanganing olangon ako; alagad kun sa paghona mo maraot para sako an magpadagos, mapuli na ako.”

Mga Bilang 22:34 ပူးပေါင်းရင်းမြစ်များ

2 Samuel 12:13

Nagsabi si David, “Nagkasala ako sa Kagurangnan.” “Pinapatawad ka nin Kagurangnan; dai ka magagadan,” an simbag ni Natan.

1 Mga Cronica 21:7

Naanggot an Dios kan bagay na ini kaya pinadusahan niya an Israel.

Salmo 78:34

Kan gadanon niya an nagkapira sainda, nagbalik saiya an mga natadang buhay; nagbakle asin tudok sa puso na namibi saiya.

Exodo 9:27

Ipinaapod kan hade si Moises saka si Aaron asin sinabihan, “Ngunyan nagkasala ako, an Kagurangnan iyo an tama. Ako asin an sakong banwaan an sala.

Mga Talinhaga 24:18

Aram nin Kagurangnan kun nagngingisi ka, asin dai ka niya mawiwilihan; nin huli kaiyan, tibaad dai na niya padusahan an saimong kaiwal.

Mga Bilang 11:1

Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 14:40

Pagkaaga, naglakaw sinda pasiring sa mabulod na daga tanganing salakayon idto. Nagsabi sinda, “Andam na kami ngunyan na magduman sa lugar na itinaram nin Kagurangnan. Inaako mi na kami nagkasala.”

Mga Bilang 22:12

Tinaraman nin Dios si Balaam, “Dai ka mag-iba sa mga lalaking iyan, asin dai mo pagmaldisyonon an banwaan nin Israel, huli ta yaon sainda an sakong bendisyon.”

Mga Bilang 22:33

Alagad nahiling ako kan saimong asno asin nagliklik siya nin makatolo. Kun dai idto ginibo kan asno, nagadan taka kuta asin pinabayaan kong mabuhay an asno.”

1 Samuel 15:24

Nagsimbag si Saul, “Nagkasala ako; dai ko kinuyog an kabotan nin Kagurangnan asin an saimong katukdoan. Natakot ako sa mga tawo, kaya sinunod ko an saindang kamawotan.

1 Samuel 15:30

“Nagkasala ako,” an simbag ni Saul. “Maski siring, pahilingan man giraray sa mga lider kan sakong banwaan asin sa bilog na Israel na ginagalangan mo ako. Mag-iba ka sako tanganing makapagsamba ako sa Kagurangnan na saimong Dios.”

1 Samuel 24:17

Nagsabi pa si Saul ki David, “Mas matanos ka ki sa sako. Ginibohan mo ako nin karahayan, mantang karatan an ginibo ko saimo!

1 Samuel 26:21

Nagsimbag si Saul, “Nagkasala ako. Magbalik ka David, aki ko! Dai na ako mag-iisip na gadanon ka, huli ta dai mo ako ginadan ngunyan na banggi. Nagin lolong ako, asin dakula an ginibo kong karatan!”